„უკრაინის ავიახაზების“ თვითმფრინავის კატასტროფასთან დაკავშირებით, საქართველოში უკრაინის საელჩოში სამძიმრის წიგნი გაიხსნება. ამის შესახებ ნათქვამია საელჩოს განცხადებაში.
„უკრაინის საერთაშორისო ავიახაზების", „ბოინგ 737-800“ თვითმფრინავის საშინელ კატასტროფასთან დაკავშირებით, რომელიც 2020 წლის 8 იანვარს ახორციელებდა ფრენას PS 752 თეირანი-კიევის მიმართულებით, რომლის შედეგად დაიღუპა 176 მგზავრი და ეკიპაჟის წევრები - უკრაინის, ირანის, კანადას, შვედეთის, ავღანეთის, გერმანიისა და დიდი ბრიტანეთის მოქალაქეები, საქართველოში უკრაინის საელჩოში სამძიმრის წიგნი გაიხსნება. საელჩოს სამძიმრის წიგნში ჩანაწერების გაკეთება შესაძლებელია 2020 წლის 9 და 10 იანვარს, 11:00 საათიდან 13:00 საათამდე და 15:00 საათიდან 17:00 საათამდე“, - ნათქვამია განცხადებაში.