მამუკა ხაზარაძე - სასამართლოში სხდომები თითქმის ყოველ მეორე დღეს დაინიშნა, სასამართლოს წინ იქნება ჩვენი ახალი ოფისი, სადაც ჩვენს გეგმებს გაგაცნობთ

პოლიტიკური გაერთიანება „ლელო საქართველოსთვის“ ლიდერის მამუკა ხაზარაძის განცხადებით, სასამართლოს სხდომების სიხშირის გამო მათ პოლიტიკური საქმიანობისთვის პრაქტიკულად, კვირაში ორი დღე დარჩათ. მისივე თქმით, აქედან გამომდინარე, მიიღეს გადაწყვეტილება, რომ სხდომის დაწყებამდე სასამართლოს წინ საზოგადოებას სამომავლო გეგმები გააცნონ.

როგორც მამუკა ხაზარაძემ ჟურნალისტებს თბილისის საქალაქო სასამართლოს ეზოში განუცხადა, ეს ყველაფერი იმისთვის ხდება, რომ მათ პოლიტიკური საქმიანობისთვის ხელი შეუშალონ.

“სასამართლოში სხდომები თითქმის ყოველ მეორე დღეს დაინიშნა, გასაგები მიზეზის გამო, დანიშნულია ძალიან ბევრი სხდომა, რომ ჩვენ ხელი შეგვიშალონ პარტიულ აქტივობაში და მთელი დღეები გავატაროთ სასამართლოში და არ მოგვეცეს საშუალება რეგიონში მოგზაურობის, მაგრამ ჩვენ ამას მაინც მოვახერხებთ, ამიტომ ჩვენ გადავაწყვიტეთ, რომ ყოველ მოსვლაზე, სასამართლოს წინ გაგაცნოთ ჩვენი გეგმები, გაგაცნოთ ის თეზისები, რომელსაც ჩვენ ვაპირებთ, რომ საზოგადოებას მივაწოდოთ, ჩვენს პარტიის წევრებს, ჩვენს მომხრეებს, რომელთა რიცხვი ძალიან იზრდება და ამით არის შეშინებული მმართველი პარტია და მისი ხელძღვანელი.

თქვენ თუ ნახავთ გრაფიკს, რა გრაფიკით არის დანიშნული ბოლო ორ თვეში ჩვენი მოსვლა სასამართლოში, რომელიც 11 საათზე იწყება და მთელი დღე იქნება გაწელილი, პრაქტიკულრად, კვირაში დარჩენილი გვაქვს ორი დღე, რომ ვიღაცას შევხვდეთ და რაღაც დავგეგმოთ, მაგრამ მაინც შევხვდებით და გამოვიყენებთ ამ მდგომარეობას. პრაქტიკურად, სასამართლოს წინ იქნება ჩვენი ახალი ოფისი”, - განაცხადა ხაზარაძემ.

მისივე განცხადებით, ის და ბადრი ჯაფარიძე მათ წინააღმდეგ მიმდინარე სასამართლო პროცესზე კომენტარებს აღარ გააკეთებენ, თუმცა სხდომებს დაესწრებიან.

“მე და ბადრი არ ვაპირებთ აქ მოსვლის დროს ჩვენს სასამართლო პროცესზე რაიმე კომენტარის გაკეთებას, რადგან ეს არის შოუ, ეს უკვე ნათელია, ეს არის პოლიტიკური დევნა და თუ რამე კითხვა ექნებათ ჩვენს საყვარელ ჟურნალისტებს, მიმართეთ ჩვენს ადვოკატებს. ჩვენ ამ თემაზე არ გავაკეთებთ კომენტარებს იქედან გამომდინარე, რომ არ შევალთ იმ თამაშში, რომელიც ბიძინა ივანიშვილმა შემოგვთავაზა, სხდომებს დავესწრებით”, - აღნიშნა ხაზარაძემ.

იხილეთ ვიდეო

კახა გოგოლაშვილი - ევროკავშირის მედიაცია გახდა ინსტრუმენტი, რომელიც არ არის ერთჯერადი, სანამ კრიზისი არ მოგვარდება, ევროკავშირი ამ პროცესში ჩართული იქნება
ქართული პრესის მიმოხილვა 03.03.2021
ქართული კონსტიტუციის 100 წლისთავთან დაკავშირებით კავკასიის საერთაშორისო უნივერსიტეტი სამეცნიერო კრებულს ამზადებს
იურიდიული პირები პროკრედიტ ბანკში ანგარიშებს დისტანციურად გახსნიან
ევროპის გუნდი: ლიბერთი ბანკისთვის უზრუნველყოფილი დამატებითი დახმარებით, COVID-19-ის კრიზისის დასაძლევად  ევროპის საინვესტიციო ბანკის მიერ მიკრო, მცირე და საშუალო საწარმოების მხარდაჭერა ახალ ეტაპზე გადადის
"მაგნიტის" ყოველდღიური 20%-იანი აქცია უფრო მრავალფეროვანი ხდება
სამომხმარებლო სესხი 3-თვიანი სრული საშეღავათო პერიოდით - ტერაბანკის ახალი აქცია