ირანული გამოძიების თანახმად, ბოინგ-737, რომელმაც თეირანთან კატასტროფა განიცადა, ცდილობდა აეროპორტში დაბრუნებულიყო. ირანის სამოქალაქო ავიაციის ორგანიზაციის ხელმძღვანელი ალი აბედზადეჰი აცხადებს, რომ „თვითმფრინავი მარჯვნივ მოტრიალდა და უკან აეროპორტისკენ მოემართებოდა, როცა კატასტროფა მოხდა“.

მისივე თქმით, ხომალდის მფრინავებს დაშვების ან პრობლემის შესახებ არანაირი საგანგებო შეტყობინება არ გაუგზავნიათ.

ცნობისთვის, დღეს ირანულმა მხარემ თვითმფრინავის კატასტროფის პირველადი ანგარიში გამოაქვეყნა. ანგარიშში წერია, რომ ხომალადს ცეცხლი ცაშივე წაეკიდა.

შეგახსენებთ, გუშინ ირანში „უკრაინის საერთაშორისო ავიახაზების“ კუთვნილმა ბოინგ-737-ის ტიპის თვითმფრინავმა კატასტროფა განიცადა. ყველა - 176 ადამიანი, რომელიც ბორტზე იმყოფებოდა, დაიღუპა.