დეკანოზ გიორგი მამალაძის ოჯახი სასჯელის გადავადების მოთხოვნით სარჩელს ამზადებს, ისინი სასამართლოს პრეზიდენტის წინააღმდეგაც მიმართავენ

ვამზადებთ სარჩელს პრეზიდენტის წინააღმდეგ, რადგან ამ ადამიანმა ჩემი ძმის მიმართ, ვფიქრობ, მიზანმიმართულად დაარღვია უდანაშაულობის პრეზუმფცია, - ამის შესახებ მსჯავრდებული დეკანოზის, გიორგი მამალაძის ძმამ, თორნიკე მამალაძემ ჟურნალისტებთან საუბრისას განაცხადა.

მამალაძის ინფორმაციითვე, დაცვის მხარე ასევე ამზადებს სარჩელს სასჯელის მოხდის გადავადების თაობაზე, რათა შესაბამის დაწესებულებაში გიორგი მამალაძის მკურნალობა მოხდეს.

„ვამზადებთ სარჩელს, რომ შევიტანოთ სასამართლოში სასჯელის გადავადების თაობაზე. თანახმა ვართ, რადგან ამ მომენტში მთავარი ჩემი ძმის ჯანმრთელობის მდგომარეობაა და სხვა გზა არ დაგვრჩენია, გამომდინარე იქიდან, რომ ყველანაირი გზა უარყოფილი იქნა, თუნდაც პრეზიდენტის მიერ. მოვამზადებთ სარჩელს, რომ გადავადდეს სასჯელი და შესაბამის დაწესებულებაში მოხდეს ჩემი ძმის მკურნალობა, სადაც ადეკვატური ექიმები არიან.

ჩვენ ვამზადებთ ასევე სარჩელს პრეზიდენტის წინააღმდეგ, რადგან ამ ადამიანმა, ე.წ. პრეზიდენტმა დაარღვია ჩემი ძმის მიმართ, ვფიქრობ, მიზანმიმართულად, უდანაშაულობის პრეზუმფცია. მან კიდევ ერთხელ დაადანაშაულა ჩემი ძმა აბსურდული ბრალდებით, პატრიარქის მკვლელობაში. ჩვენ ვამზადებთ სარჩელს უდანაშაულობის პრეზუმფციაზე და პატივისა და ღირსების შელახვის გამო.

სასამართლომ, რომელმაც ჩემს ძმას აბსურდული ბრალდებით 9- წლიანი უკანონო პატიმრობა მიუსაჯა, რა თქმა უნდა, მცირე შანსებია, რომ დააკმაყოფილოს სარჩელი, მაგრამ ჩვენ, ოჯახი ყველა გზით ვცდილობთ, რომ ჩემი ძმის ჯანმრთელობას და სიცოცხლეს საფრთხე არ შეექმნას. დააკმაყოფილებენ თუ არა, მე ეჭვი მეპარება”,- განაცხადა თორნიკე მამალაძემ.

კახა გოგოლაშვილი - ევროკავშირის მედიაცია გახდა ინსტრუმენტი, რომელიც არ არის ერთჯერადი, სანამ კრიზისი არ მოგვარდება, ევროკავშირი ამ პროცესში ჩართული იქნება
ქართული პრესის მიმოხილვა 01.03.2021
ქართული კონსტიტუციის 100 წლისთავთან დაკავშირებით კავკასიის საერთაშორისო უნივერსიტეტი სამეცნიერო კრებულს ამზადებს
ევროპის გუნდი: ლიბერთი ბანკისთვის უზრუნველყოფილი დამატებითი დახმარებით, COVID-19-ის კრიზისის დასაძლევად  ევროპის საინვესტიციო ბანკის მიერ მიკრო, მცირე და საშუალო საწარმოების მხარდაჭერა ახალ ეტაპზე გადადის
"მაგნიტის" ყოველდღიური 20%-იანი აქცია უფრო მრავალფეროვანი ხდება
სამომხმარებლო სესხი 3-თვიანი სრული საშეღავათო პერიოდით - ტერაბანკის ახალი აქცია
ბაკურიანში საერთაშორისო სათხილამურო ფედერაციის ეგიდით მსოფლიო თასის ეტაპი სკი კროსში დასრულდა