თინა ბოკუჩავა - 4 თებერვალს ჩატარდება პარლამენტის პირველი საგაზაფხულო სხდომა, რომელიც ოპოზიციის პროტესტის ფონზე ჩაივლის

შევთანხმდით, რომ სიას ეწოდოს 20 ივნისის სია, რადგან უმეტესობა ადამიანებისა, რომლებიც მასში შევლენ, უკავშირდება 20 ივნისის სისხლიან ღამეს და შემდგომ განვითარებულ მოვლენებს,- ამის შესახებ "ნაციონალური მოძრაობის" წევრმა თინა ბოკუჩავამ განაცხადა.

მისივე თქმით, დღევანდელ შეხვედრაზე შეთანხმდნენ, რომ 4 თებერვალს პირველი საგაზაფხულო სესია თბილისში ოპოზიციის პროტესტის ფონზე ჩაივლის, მანამდე კი, იანვარში რეგიონული აქციები ჩატარდება.

"საერთო ოპოზიციურ ფორმატში იქნა გადაწყვეტილება მიღებული, რომ რეგიონული აქციები ჩატარდება იანვრის თვეში, 4 თებერვალს ჩატარდება ასევე პარლამენტის პირველი საგაზაფხულო სხდომა, რომელიც აუცილებლად ჩაივლის ოპოზიციის პროტესტის ფონზე. ასევე საუბარი გვქონდა მოლაპარაკებებზე, რომელსაც აწარმოებს ოპოზიცია ხელისუფლებასთან საერთაშორისო დიპლომატიური კორპუსის მედიაციით. ასევე შევთანხმდით, სიაზე, რომელსაც აქამდე სანქციების სიას მოვიხსენიებდით, რომ მას ეწოდოს 20 ივნისის სია, რადგან უმეტესობა ადამიანებისა, რომლებიც შევლენ ამ სიაში უკავშირდება 20 ივნისის სისხლიან ღამეს და შემდგომ განვითარებულ მოვლენებს", - განაცხადა თინა ბოკუჩავამ.

თენგიზ ფხალაძე - პოლიტიკურ ძალებს შორის ურთიერთობაში უნდა არსებობდეს ზღვარი, რომლის იქითაც პროცესი არ უნდა წავიდეს, თუკი ეს ზღვარი წაიშალა, მძიმე შედეგს მივიღებთ
ქართული პრესის მიმოხილვა 27.01.2020
ავთანდილ წულაძე - საქართველოსთან მიმართებაში რუსეთის სტრატეგიული მიზანი არსებული სტატუს-კვოს შენარჩუნებაა