ეკონომიკისა და მდგრადი განვითარების სამინისტრო გათხევადებული აირის აირბალონიანი ავტოსატრანსპორტო საშუალებების ინსპექტირებაზე ინფორმაციას აქვეყნებს

საქართველოს ეკონომიკისა და მდგრადი განვითარების სამინისტრო ავტოსატრანსპორტო საშუალებებისთვის, რომლებსაც დამონტაჟებული აქვთ გათხევადებული აირის აირბალონი, ტექინსპერტირების შესახებ დამატებით ინფორმაციას აქვეყნებს.

როგორც „ინტერპრესნიუსს“ ეკონომიკისა და მდგრადი განვითარების სამინისტროდან აცნობეს, გათხევადებული აირის აირბალონის ტექნიკური გამართულობის შემოწმება მხოლოდ კანონით დადგენილ ვადებში მოხდება.

„2020 წლის პირველი იანვრიდან ავტოსატრანსპორტო საშუალებებისთვის, რომლებსაც დამონტაჟებული აქვთ გათხევადებული აირის აირბალონი და მისი მოწყობილობის სისტემა, ავტოსატრანსპორტო საშუალების პერიოდული ტექნიკური ინსპექტირების დროს აირბალონისა და მისი მოწყობილობის სისტემის ტექნიკური გამართულობის დამადასტურებელი სერტიფიკატების წარდგენა სავალდებულო გახდა. წინააღმდეგ შემთხვევაში, ავტოსატრანსპორტო საშუალება პერიოდულ ტექნიკურ ინსპექტირებაზე არ დაიშვება.

აღსანიშნავია, რომ გათხევადებული აირის აირბალონის ტექნიკური გამართულობის შემოწმება მოხდება მხოლოდ კანონით დადგენილ ვადებში, კერძოდ: გათხევადებული აირის აირბალონი პირველ ინსპექტირებას ექვემდებარება აირბალონის დამზადებიდან მხოლოდ 5 წლის გასვლის შემდეგ. შესაბამისად, ინსპექტირებას დაექვემდებარება მხოლოდ ის აირბალონი, რომლის 5-წლიანი ვადა უკვე გასულია.

ამასთან, ინსპექტირების ცენტრის მიმართ საქართველოს კანონმდებლობით გათვალისწინებული შესაბამისი სადამსჯელო ღონისძიებები გატარდება, თუ ინსპექტირების ცენტრი განახორციელებს ისეთი აირბალონის ინსპექტირებას, რომლის დამზადებიდან 5-წლიანი ვადა არ არის გასული“, - აღნიშნულია უწყების განცხადებაში.

რაც შეეხება გათხევადებული აირის აირბალონის მოწყობილობის სისტემის ინსპექტირებას, სამინისტროს განცხადებით, ის რეგლამენტის ძალაში შესვლიდან ინსპექტირებას პირველი შემოწმებიდან შემდგომ ყოველ 3 წელიწადში ერთხელ დაექვემდებარება.

„გასათვალისწინებელია, რომ ტექნიკური რეგლამენტის თანახმად, ინსპექტირების ორგანოს უფლებამოსილი პირი ვალდებულია შესაბამისობის შეფასებაზე არ დაუშვას აირბალონიანი მოწყობილობა თუ აირბალონებს არ გააჩნიათ შესაბამისი ნიშანდება: დამამზადებლის სასაქონლო ნიშანი, სერიული ნომერი, დამზადების თარიღი, მუშა და საგამოცდო წნევა, მოცულობა და მასა. შესაბამისად, ავტოსატრანსპორტო საშუალების მფლობელი ამ შემთხვევაში ვერ განახორციელებს აირბალონისა და მისი მოწყობილობის სისტემის ტექნიკური გამართულობის შესახებ ინსპექტირების სერტიფიკატების მოპოვებას.

ინსპექტირების სერტიფიკატები გაიცემა აკრედიტებული შესაბამისობის შემფასებელი პირის (ინსპექტირების ორგანო) მიერ. ამ დროისათვის, საქართველოს მასშტაბით 7 ინსპექტირების ცენტრი მოქმედებს. მათი მისამართებია: შპს „გაზ კონტროლი“ -- კახეთის გზატკეცილი №67, შპს „გიომოტორსი“ -- ქ. გორი, სუხიშვილის ქ №63; შპს "გიომ-1" -- ქ. ქუთაისი, ი. აბაშიძის ქ. №32; შპს "ჰესლერი" -- ქ. თბილისი გიორგი მდივანის პირველი შესახვევი №10; შპს "გარეჯი 2010" -- საგარეჯო, დოდაშვილის ქ. № 13; შპს "გარეჯი 2010"-ის ფილიალი: თელავის რაიონის სოფ. ნასამხრალი; შპს "გარეჯი 2010"-ის ფილიალი: წნორი, ქიზიყის ქ. № 45”, - აცხადებენ უწყებაში.

ალექსანდრე თვალჭრელიძე - „ქართული ოცნების“ ეკონომიკური პროგრამა გაცილებით უფრო მოკრძალებული, მაგრამ, ამავდროულად, გაცილებით უფრო რეალისტურია
გია ხუხაშვილი - თუ პროპორციულ არჩევნებში ხელისუფლებამ ვერ მოახერხა 40%-იანი ბარიერის გადალახვა, ხელისუფლებას მეორე ტურში შეიძლება შეექმნას სერიოზული პრობლემა
ქართული პრესის მიმოხილვა 17.09.2020
რან გიდორი - სწრაფვა მშვიდობისკენ კორონავირუსის დასამარცხებლად
"მემარცხენე ალიანსის" ლიდერი კახა ძაგანია - "ვხსნით ჩვენს პარტიას რეგისტრაციიდან და ვუერთდებით "პატრიოტთა ალიანსს"
ირმა ინაშვილი - ჩვენთან მიმართებაში გამოცხადებულია საინფორმაციო ბლოკადა
წინანდლის მამული რიგით მეორე მუსიკალურ ფესტივალს მასპინძლობს
წინანდლის მუზეუმს შარლ დე გოლის წერილები გადაეცა