ჯასტინ ტრიუდო - მტკიცებულებები მიგვანიშნებს, რომ უკრაინული თვითმფრინავი ირანულმა რაკეტამ ჩამოაგდო

უკრაინული თვითმფრინავი, რომელმაც ირანში კატასტროფა განიცადა, ირანულმა რაკეტამ ჩამოაგდო, - ამის შესახებ კანადის პრემიერ-მინისტრი ჯასტინ ტრიუდო აცხადებს.

“ჩვენ გვაქვს დაზვერვის მონაცემები მრავალი წყაროდან, ჩვენი მოკავშირეებისა და საკუთარი დაზვერვის ჩათვლით. მტკიცებულებები მიგვანიშნებს, რომ თვითმფრინავი ირანულმა მიწა-ჰაერი ტიპის რაკეტამ ჩამოაგდო,“- განაცხადა ტრიუდომ.

მისივე თქმით, კანადის მთავრობა არ მოისვენებს, სანამ არ მიაღწევს „გამჭირვალობას, ანგარიშვალდებულებასა და სამართალს.“

მანამდე ამერიკულ მედიაში გავრცელდა ინფორმაცია, რომ უკრაინული თვითმფრინავი ირანულმა საზენიტო რაკეტამ შეცდომით ჩამოაგდო.

CBS-ი ამერიკულ დაზვერვაში არსებულ წყაროზე დაყრდნობით იუწყება, რომ რადარებმა ორი რაკეტის გაშვების შედეგად დატოვებული ინფრაწითელი კვალი დააფიქსირეს, რასაც აფეთქება მოჰყვა.

The New York Times-ის მიერ გავრცელებული ინფორმაციით, მათ მოიპოვეს ვიდეო, რომელზეც აღბეჭდილია, როგორ არტყამს თვითმფრინავს ირანული რაკეტა თეირანის აეროპორტთან ახლოს.

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
აკადემიკოსი გიორგი ჯაფარიძე - ქვეყანა რომ წარმოდგენილი იყოს მსოფლიოს სამეცნიერო რუკაზე, აუცილებელია მასში მცხოვრები მეცნიერები თავისი საქმიანობით მონაწილეობდნენ საერთაშორისო სამეცნიერო პროცესში
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს