„ჯორჯიან უოთერ ენდ ფაუერმა“ ჭავჭავაძის გამზირზე სარეაბილიტაციო სამუშაოების მომდევნო ეტაპი დაიწყო
„ჯორჯიან უოთერ ენდ ფაუერმა“ ჭავჭავაძის გამზირის მასშტაბური პროექტის ფარგლებში, წყალმომარაგების სისტემის სარეაბილიტაციო სამუშაოების მომდევნო ეტაპი დაიწყო.
როგორც „ინტერპრესნიუსს“ „ჯივიპიდან“ აცნობეს, აღნიშნული ეტაპი, კავსაძის ქუჩიდან ყიფშიძის ქუჩამდე ნახევარ კილომეტრზე მეტი წყალმომარაგებისა და წყალარინების სისტემის სრულ განახლებას ითვალისწინებს.
„ახალ ქსელზე ევროსტანდარტის ჩამკეტ-მარეგულირებელი ურდულები, სახანძრო ჰიდრანტები და საკვანძო ჭები მოეწყობა.
ჭავჭავაძის გამზირის სარეაბილიტაციო პროექტის ჯამური ინვესტიცია 10 მლნ ლარს შეადგენს. სამუშაოები გეგმა-გრაფიკის მიხედვით მიმდინარეობს“, - ნათქვამია ინფორმაციაში.
