დონალდ ტრამპი - ჩვენ ვიცავთ ევროპას რუსეთისგან - წლების მანძილზე ნატო-მ უპირატესობა ჩვენს ხარჯზე მოიპოვა

აშშ-ის პრეზიდენტის, დონალდ ტრამპის თქმით, ვაშინგტონი დიდი ხანია ევროპას რუსეთისგან იცავს, თუმცა ევროპელ პარტნიორებს ამისთვის ადეკვატური ფასის გადახდა არ უნდათ. დონალდ ტრამპმა ამის შესახებ ოჰაიოში ვიზიტის დროს განაცხადა.

„ისინი მაკრიტიკებენ მე, რომ ვითხოვ ნატო-სთვის შეასრულონ თავისი მოვალეობები, ვითხოვ გაზარდონ ხარჯები საკუთარი უსაფრთხოებისთვის. წლების მანძილზე ნატო-მ უპირატესობა ჩვენს ხარჯზე მოიპოვა. ეს ჩვენ ვართ, ვინც ევროპას რუსეთისგან იცავს და ამას ჩვენს ხარჯზე აკეთებს. ამავდროულად, ისინი ამცირებენ სამხედრო ხარჯებს. ეს მიუღებელია“, - განაცხადა ტრამპმა.

ტრამპის თქმითვე, სწორედ მისი ამ პოზიციის გამო, ის, ბარაკ ობამასგან განსხვავებით, არ უყვართ.

„ამიტომ არ მოვწონვართ მე და მოსწონთ ობამა. იმიტომ, რომ ობამა მათ ყველაფერზე ეუბნებოდა, გამარჯობა, გამარჯობა, ნახვამდის, ნახვამდის. იმიტომ მოსწონთ ის“, - განაცხადა ტრამპმა.

იგორ ტიშკევიჩი - უახლოესი 3-4 წელი მოსკოვის აგრესიული პოლიტიკის გამო პოსტსაბჭოთა ქვეყნებისთვის მშვიდობიანი ვერ იქნება
ქართული პრესის მიმოხილვა 07.08.2020
გიორგი პერტაია - სავაჭრო პალატა მეწარმეებს ბიზნესის მხარდამჭერ ყველა პროგრამას ერთ ონლაინ პლატფორმაზე სთავაზობს
ახალი Galaxy Note 20 და Note 20 Ultra წინასწარი შეკვეთა დაიწყო
ბარათიდან თანხის განაღდების ახალი სერვისი ლიბერთის მომხმარებლისთვის „ნიკორა სუპერმარკეტის“ ქსელში