მღვდელ-მონაზონი ანდრია სარია - თუ ვინმეა უგულო და სახარებას არღვევს, ეს არის საპატრიარქო - მამა გიორგი არის პირადი ტყვე

მღვდელ-მონაზონ ანდრია სარიას განცხადებით, საპატრიარქო “ბოროტი გუნდია”. როგორც მან დღეს გამართულ ბრიფინგზე განაცხადა, ყველა იმ ბოროტი პროცესის დამგეგმავი, რაც ეკლესიაში მიმდინარეობს, საპატრიარქოა.

მისივე თქმით, საპატრიარქოს წევრები არ ცხრებიან და „ცდილობენ ნელ-ნელა გაანადგურონ ადამიანები, იმისათვის რომ არ ილაპარაკონ იმაზე, რომელშიც წვლილი თავადვე აქვთ”.

“ყველაზე დიდი დამნაშავეები თუ ვინმე ადმინისტრაციულ ერთეულში გვყავს, ეს არის საპატრიარქო, თუ ვინმეა ამ საქმეში დამნაშავე, ეს არის საპატრიარქო, თუ ვინმეა უგულო და სახარებას თუ ვინმე არღვევს, ეს არის საპატრიარქო. ვფიქრობ, რომ მამა გიორგი არის პირადი ტყვე. საქმეებზე დაკვირვებით ვამბობ, რომ არა მხოლოდ შორენა თეთრუაშვილი ან კონკრეტული პირები, ეს არის ერთი დიდი ბოროტი გუნდი, რომელიც მას ამყოფებს საპატიმროში, ბოროტი გუნდი არის საპატრიარქო. ადრე ითქვა, რომ ეს არის საპატრიარქოს ბანდა. ეს ადამიანები დღემდე არ ცხრებიან და ცდილობენ ნელ-ნელა გაანადგურონ ადამიანები, იმისათვის, რომ არ ილაპარაკონ და არ წამოიწიოს ის პრობლემები, რომელშიც წვლილი თავადვე აქვთ. ისე ლაპარაკობენ, მოგეჩვენება, რომ წმინდანების კრებულია, თუმცა ეს ადამიანები არიან დამგეგმავი იმ ბოროტების, რაც დღეს მიმდინარეობს საეკლესიო სივრცეში - ადამიანის გაწირვა, არაერთი გარიგება, რაც პირადად მეც ვიცი და უმაღლესმა იერარქებმა ხომ იციან, ზოგი თვითონაა ამ ყველაფრის შემოქმედი და ეს კომპრომატები არსებობს”,- განაცხადა მამა ანდრია სარიამ.

მღვდელ-მონაზონმა დეკანოზ მამალაძის ჯანმრთელობის მდგომარეობაზე ისაუბრა და განაცხადა, რომ ამით სპეკულაციას არ დაიწყებს.

„მისი ჯანმრთელობით სპეკულაციას არ ვაპირებ. სტაბილურად მძიმეა, რომელმაც შეიძლება ადამიანი დააინვალიდოს, თუ არ მოხდება მკურნალობა, ამ წუთას არაა ისეთ მდგომარეობაში, რომ სიცოცხლისთვის საშიში იყოს, მაგრამ ასე გაგრძელება არ შეიძლება”,- განაცხადა მღვდელ-მონაზონმა.

იხილეთ ვიდეო

კორნელი კაკაჩია - ხელისუფლებამ უნდა შეძლოს ქვეყნის გადაყვანა დაპირისპირების რელსებიდან კონსტრუქციულობის ფორმატში, თუმცა ამის რესურსს მმართველ გუნდში ვერ ვხედავ
დიმიტრი შველიძე - რუსული ოკუპაციის 100 წლისთავზე მთავარია გვახსოვდეს - ყოფილი მეტროპოლია ფარული ჩარევით, მშვიდად უყურებს საქართველოში პოლიტიკური ბანაკების გაუთავებელ ომს
ქართული პრესის მიმოხილვა 24.02.2021
კომპანია "სილქნეტი" განცხადებას ავრცელებს
როგორ შეუძლიათ ბიზნესებს თანამშრომელთა სამუშაო საათები ავტომატურად აღრიცხონ?
ბაკურიანის მსოფლიო თასის ეტაპებისთვის რეგისტრაცია დასრულებულია
ჰააგის სისხლის სამართლის საერთაშორისო სასამართლოსთან არსებულმა დაზარალებულთა ნდობის ფონდმა საქართველოსთვის დახმარების პროგრამა დაამტკიცა
ლაბორატორია „მეგალაბში“ კორონავირუსის ე.წ. ბრიტანული შტამის დადგენაა შესაძლებელი