ირაკლი ზარქუა - საკრებულოს ჯამბაზმა ხაბეიშვილმა ჭავჭავაძის გამზირზე ახალი სეზონი გახსნა

ჭავჭავაძის გამზირზე მიმდინარე რეაბილიტაციის ფარგლებში, გარკვეული ადგილების საბურავებით და ქვიშის ტომრებით ამოვსების შესახებ, თბილისის საკრებულოს თავმჯდომარის მოადგილემ, ირაკლი ზარქუამ განმარტება გააკეთა.

ზარქუამ, ლევან ხაბეიშვილს ჯამბაზი და მასხარა უწოდა და აღნიშნა, რომ ჭავჭავაძის გამზირის რეაბილიტაცია საპილოტე პროექტია, სადაც მუნიციპალიტეტს განსაკუთრებული მიდგომები აქვს, ხაბეიშვილი კი საზოგადოების შეცდომაში შეყვანას ცდილობს.

„ამ პროექტის ფარგლებში, ჭავჭავაძის გამზირზე მიწისქვეშა სანაგვე ურნები უნდა დამონტაჟდეს, რაც არის თანამედროვე ტექნოლოგიების, მწვანე ეკონომიკის ნაწილი. ბუნებრივია, სანამ ჩვენ ამ მიწისქვეშა ურნებს დავაკომპლექტებთ, რომლებიც უკვე შეკვეთილია, ჩვენი თანამოქალაქეების უსაფრთხოებისთვის მერიამ მიიღო გადაწყვეტილება, რომ დროებით, ეს ადგილები საბურავებით და ქვიშის ტომრებით ამოვსებულიყო. ეს არის დროებითი ღონისძიება, მაგრამ საკრებულოს ჯამბაზმა ხაბეიშვილმა ჭავჭავაძის გამზირზე ახალი სეზონი გახსნა. ის ცდილობს ყურადღება მიიქციოს და საზოგადოება შეცდომაში შეიყვანოს,“- განაცხადა ირაკლი ზარქუამ.

რაც შეეხება მიწისქვეშა ურნებს, საკრებულოს თავმჯდომარის მოადგილის თქმით, ჭავჭავაძის გამზირზე, 90 თანამედროვე ტექნოლოგიებით აღჭურვილი ურნა დამონტაჟდება.

„მინდა, განვაცხადო, რომ ასეთი ურნები მხოლოდ ჭავჭავაძეზე არ იქნება. ჩვენ აღებული გვაქვს საერთაშორისო ვალდებულება სეპარირების და მწვანე ეკონომიკის მიმართულებით. მიწისქვეშა ურნების დამონტაჟება ეტაპობრივად, დედაქალაქის მასშტაბით განხორციელდება,“- განაცხადა ირაკლი ზარქუამ.

აღნიშნულ კომენტარს თბილისის საკრებულო ავრცელებს.

კახა გოგოლაშვილი - ევროკავშირის მედიაცია გახდა ინსტრუმენტი, რომელიც არ არის ერთჯერადი, სანამ კრიზისი არ მოგვარდება, ევროკავშირი ამ პროცესში ჩართული იქნება
ქართული პრესის მიმოხილვა 01.03.2021
ქართული კონსტიტუციის 100 წლისთავთან დაკავშირებით კავკასიის საერთაშორისო უნივერსიტეტი სამეცნიერო კრებულს ამზადებს
ევროპის გუნდი: ლიბერთი ბანკისთვის უზრუნველყოფილი დამატებითი დახმარებით, COVID-19-ის კრიზისის დასაძლევად  ევროპის საინვესტიციო ბანკის მიერ მიკრო, მცირე და საშუალო საწარმოების მხარდაჭერა ახალ ეტაპზე გადადის
"მაგნიტის" ყოველდღიური 20%-იანი აქცია უფრო მრავალფეროვანი ხდება
სამომხმარებლო სესხი 3-თვიანი სრული საშეღავათო პერიოდით - ტერაბანკის ახალი აქცია
ბაკურიანში საერთაშორისო სათხილამურო ფედერაციის ეგიდით მსოფლიო თასის ეტაპი სკი კროსში დასრულდა