მამუკა მდინარაძე შესაძლო სამთავრობო ცვლილებებზე - ეს ინფორმაცია სადღაც ნიუსრუმშია მოგონილი, რომელიც სიმართლეს არ შეესაბამება

ეს ინფორმაცია არის მოგონილი და არ შეესაბამება სიმართლეს, რადგან მე, უმრავლესობის ლიდერი არც ერთ მსგავს ინფორმაციას არ ვფლობ, - ამის შესახებ უმრავლესობის ლიდერმა მამუკა მდინარაძემ ჟურნალისტებთან სამთავრობო ცვლილებებთან დაკავშირებით გავრცელებულ ინფორმაციაზე განაცხადა.

მისივე თქმით, ახლო მომავალში მსგავსი არაფერი იგეგმება და ამაზე საუბარი არ მიდის.

„მთელი პასუხისმგებლობით გეუბნებით, ეს არის მოგონილი სადღაც ნიუსრუმში, რომელიც არ შეესაბამება სიმართლეს, რადგან მე,უმრავლესობის ლიდერი არც ერთ მსგავს სიტყვასთან დაკავშირებით ინფორმაციას არ ვფლობ. რამდენად შეიძლება იყოს ეს ახლო პერსპექტივაში, გრძელვადიან პერსპექტივაში, ზოგადად, ყველაფერი მოსალოდნელია, არც ერთი თანამდებობა არ არის მუდმივი, მაგრამ დღეს ამის შესახებ საუბრები არ მიდის. არათუ ინფორმაცია არ არის მართალი, არამედ მოგონილია, მთელი პასუხიგებლობით გეუბნებით", - განაცხადა მამუკა მდინარაძემ.

მედიაში გავრცელებული ინფორმაციის თანახმად, საქართველოს პრემიერ-მინისტრმა გიორგი გახარიამ შესაძლოა თანამდებობა დატოვოს და მის ნაცვლად არჩილ თალაკვაძე დაინიშნოს.

რასიმ მუსაბეკოვი  -  ის, რასაც პოსტსაბჭოთა სივრცეში სეპარატისტული „ბარდაკი“ ჰქვია, უნდა დასრულდეს
სტეპან გრიგორიანი - თუ აზერბაიჯანულ-სომხურ დაპირისპირებაში  თურქეთი ჩაერევა, ასეთ შემთხვევაში ამ პროცესში რუსეთიც ჩაერთვება
ქართული პრესის მიმოხილვა 30.09.2020
გიორგი მელიქიძე - საპენსიო სააგენტოს საინვესტიციო საქმიანობის შედეგი გამოიხატება მონაწილეებისათვის ადეკვატური პენსიით
წარმოების სრული ავტომატიზაცია - „გზაჯვარედინისა“ და BDO-ს პარტნიორობის წარმატებული ქეისი
ფინკა ბანკის მმართველ გუნდს ირაკლი ელაშვილი უხელმძღვანელებს
ჰიუნდაი ავტო საქართველო საშემოდგომო ფასდაკლებების აქციას იწყებს
"მადლიერების ჩიტი" ბატონ ჯემალ ჭკუასელს