„მთავარი არხის" გენერალური დირექტორის ნიკა გვარამიას განცხადებით, მოსამართლე გიორგი არევაძის გადაწყვეტილებას გაასაჩივრებს, რომლის თანახმად მან გვარამია სხდომაზე 500 ლარით დააჯარიმა.
ამასთან, მისივე თქმით, მოსამართლის აცილების საკითხი, კონკრეტულ კაბინეტში გადაწყდა რაზეც ჯერ არ სურს საუბარი.
„თვითაცილება, წინასწარ ვიცოდი, რომ დღეს მოხდებოდა.ზუსტად ვიცი, რომელ კაბინეტში ვის მიერ დაიგეგმა. ისიც ვიცი, რატომ. გამოიტანეს ჩემი სხდომაზე უკან დაბრუნების გადაწყვეტილება იმიტომ, რომ ასე იყო საჭირო და რომ ყველაფერი არ გამოვა ამ ქვეყანაში. ყოველდღე ჩანიშნული პროცესები, მთავარი მედია დირექტორების და ოპოზიციონერების დაჭერა არ გამოვა ქვეყანაში.
მე მახსოვს ამ მოსამართლის პროცესი ჩემს პირველ პატიმრობის შეფარდებასთან დაკავშირებით. ვიცი, როგორ იქცევა, როცა ადეკვატურია. როცა არაადეკვატურია, ვხედავ ამას და ვამბობ, რომ არაადეკვატური ქცევაა და კანონშეუსაბამო. რას ნიშნავს ამის უფლება არ მაქვს?! ამასაც ვიტყვი და ამაზე უარესსაც“, - განაცხადა გვარამიამ.
მისივე თქმით, მოსამართლემ ეს ყველაფერი გადაიყვანა პირად ურთიერთობაში იმიტომ, რომ საქმე აეცილებინა.
ამასთან, გვარამიას განმარტებით, აცილების საკითხის დაყენებას მისი დაცვის მხარე მაინც აპირებდა.