უკრაინის პრეზიდენტის ვოლოდიმირ ზელენსკის ინფორმაციით, ფაქტი, რომ უკრაინული ბოინგის ჩამოგდება რაკეტით მოხდა არ დადასტურებულა, თუმცა ოფიციალური კიევი ამ საკითხს აშშ-ის სახელმწიფო მდივან მაიკ პომპეოსთან განიხილავს.
ზელენსკიმ ასევე მოუწოდა აშშ-ს, კანადას და გაერთიანებულ სამეფოს გაუზიარონ სადაზვერვო ინფორმაცია თვითმფრინავის კატასტროფის შესახებ.
„თვითმფრინავზე სარაკეტო თავდასხმა გამორიცხული არაა, მაგრამ ჯერჯერობით ეს დადასტურებული არ არის“,-დაწერა ზელენსკიმ „ფეისბუქის“ საკუთარ გვერდზე.
შეგახსენებთ, რომ 8 იანვარს "უკრაინის ავიახაზების" თვითმფრინავი, რომელიც თეირანი-კიევის რეისს ასრულებდა, ირანის დედაქალაქთან ჩამოვარდა, რა დროსაც ბორტზე მყოფი ყველა, 176 პირი, დაიღუპა.