პარლამენტი უზენაესი სასამართლოს მოსამართლეობის კანდიდატების ახალ, 6-კაციან სიას, სავარაუდოდ, არ განიხილავს

პარლამენტი უზენაესი სასამართლოს მოსამართლეობის კანდიდატების ახალ, 6-კაციან სიას, სავარაუდოდ, არ განიხილავს. როგორც ჟურნალისტებს უმრავლესობის ლიდერმა მამუკა მდინარაძემ განუცხადა, არ იქნება რაციონალური და არც საერთაშორისო პარტნიორებთან იქნებიან მართლები, რომ კიდევ ახალი მოსამართლეების არჩევა დაიწყონ და ისინი განამწესონ.

მამუკა მდინარაძე აღნიშნავს, რომ მმართველი გუნდი ეუთოს რეკომენდაციების გათვალისწინებას აპირებს.

„ჩვენ ვიცით, ეუთო/ოდირის რეკომენდაცია ასეთია, საერთაშორისო პარტნიორების რეკომენდაციები ასეთი იყო და ძალიან საყურადღებოა ეს რეკომენდაციები იმის შესახებ, რომ მე-9 მოწვევის პარლამენტმა აღარ აირჩიოს მოსამართლეები. თუმცა, არის კანონით დადგენილი პროცედურა და მოსამართლეთა შერჩევის პროცესი ავტომატურად გაგრძელდა. ამის მიუხედავად, ვფიქრობ, მოქმედი პარლამენტი მოკლებულია არა კანონისმიერ, არამედ, ზოგადად შესაძლებლობას, რომ კიდევ აირჩიოს დამატებით მოსამართლეები.

ასევე, ვფიქრობ, რომ რესურსი იმისა, ჩვენ დავარწმუნოთ საერთაშორისო საზოგადოება, რომ ჩვენ უმეტესწილად გავითვალისწინეთ რეკომენდაციები, მაგრამ ჩვენ ახლა უნდა შევავსოთ ამ მოწვევის პარლამენტმა უზენაესი სასამართლო მთლიანად, არ არსებობს და რესურსზეც არ არის საუბარი, ამის ნება ჩვენი მხრიდან არ არსებობს.

ასე ხელაღებით არ შეიძლება ვთქვათ, რომ პროცესი ფორმალურია და ადამიანი, რომელიც მოდის გასაუბრებაზე, აუცილებლად ჩავარდება მისი კანდიდატურა, მაგრამ თუ გნებავთ, ასე მიიღეთ ჩემი მინიშნებაც, რადგან ჩვენ არ ვფიქრობთ, რომ კიდევ მეტი რაოდენობა შესაძლებელია ავირჩიოთ უზენაეს სასამართლოში ამ მოწვევის პარლამენტმა, რადგან ჩვენ ვთქვით და იქ დავასრულეთ ამაზე საუბარი, სადაც ოპტიმალურ რაოდენობაზე იყო მინიშნება, რომ კოლეგიები ორ-ორი მაინც, თითო პალატაში უნდა დაკომპლექტებულიყო. ეს რაოდენობა ამ წუთას საქართველოს უზენაეს სასამართლოში არის და ამ ეტაპზე საკმარისია. ვფიქრობ, არ იქნება რაციონალური, არც საერთაშორისო პარტნიორებთან ვიქნებით მართლები, რომ კიდევ დავიწყოთ ახალი მოსამართლეების არჩევა და გავამწესოთ ისინი,"- განაცხადა მამუკა მდინარაძემ.

კახა გოგოლაშვილი - ევროკავშირის მედიაცია გახდა ინსტრუმენტი, რომელიც არ არის ერთჯერადი, სანამ კრიზისი არ მოგვარდება, ევროკავშირი ამ პროცესში ჩართული იქნება
ქართული პრესის მიმოხილვა 03.03.2021
ქართული კონსტიტუციის 100 წლისთავთან დაკავშირებით კავკასიის საერთაშორისო უნივერსიტეტი სამეცნიერო კრებულს ამზადებს
იურიდიული პირები პროკრედიტ ბანკში ანგარიშებს დისტანციურად გახსნიან
ევროპის გუნდი: ლიბერთი ბანკისთვის უზრუნველყოფილი დამატებითი დახმარებით, COVID-19-ის კრიზისის დასაძლევად  ევროპის საინვესტიციო ბანკის მიერ მიკრო, მცირე და საშუალო საწარმოების მხარდაჭერა ახალ ეტაპზე გადადის
"მაგნიტის" ყოველდღიური 20%-იანი აქცია უფრო მრავალფეროვანი ხდება
სამომხმარებლო სესხი 3-თვიანი სრული საშეღავათო პერიოდით - ტერაბანკის ახალი აქცია