ალბანეთისა და ჩრდილოეთ მაკედონიისთვის ევროკავშირის კარი ღიაა ,- ამის შესახებ ევროკომისიის პრეზიდენტმა, ურსულა ფონ დერ ლაიენმა ხორვატიაში ვიზიტის დროს განაცხადა. მისი თქმით, აღნიშნულმა ქვეყნებმა ევროკავშირის თითოეული მითითება გაითვალისწინეს და ისინი კავშირი გაწევრიანებისათვის მზად არიან.

„ახლა ჯერი ევროკავშირზეა, ჩვენ უნდა შევასრულოთ დანაპირები ალბანეთისა და ჩრდილოეთ მაკედონიის გაწევრიანებასთან დაკავშირებით“,-განაცხადა ევროკომისიის პრეზიდენტმა.

შეგახსენებთ, რომ ალბანეთმა და ჩრდილოეთ მაკედონიამ ევროკავშირში გასაწევრიანებლად აპლიკაცია 2009 და 2004 წელს შეავსეს.

2019 წლის ოქტომბერში მათი ევროკავშირში გაწევრიანება სამმა ქვეყანამ დაბლოკა.