მუჰამედ ჯავად ზარიფი - ბოდიშს ვუხდით ჩვენს ხალხს, გარდაცვლილთა ოჯახებს და ყველა დაზარალებულ ერს

ირანის საგარეო საქმეთა მინისტრის მუჰამედ ჯავად ზარიფის თქმით, უკრაინული თვითმფრინავის კატასტროფის მიზეზი ადამიანური გადაცდომა და აშშ-ის ავანტიურაა.

„სევდიანი დღეა. შეიარაღებული ძალების შიდა გამოძიების წინასწარი დასკვნები: აშშ-ის ავანტიურისგან გამოწვეული კრიზისის დროს ადამიანთა გადაცდომამ კატასტროფა გამოიწვია, ”- წერს ზარიფი სოციალურ ქსელ „ტვიტერში“.

„გვინდა ღრმა სინანული, ბოდიში და თანაგრძნობა გამოვხატოთ ჩვენი ხალხის, გარდაცვლილთა ოჯახებისა და ყველა დაზარალებული ერის მიმართ,“- აღნიშნულია ირანის საგარეო საქმეთა მინისტრის პოსტში.

ირანის შეიარაღებული ძალების გენერალურმა შტაბმა ცოტა ხნის წინ აღიარა, რომ უკრაინული სამგზავრო თვითმფრინავის ჩამოგდების მიზეზი „ადამიანური გადაცდომაა“ და რომ ის „უნებლიედ“ მაშინ ჩამოაგდეს, როცა „ირანის რევოლუციური გვარდიის“ კუთვნილ „სენსიტიურ ტერიტორიას“ მიუახლოვდა.

შეგახსენებთ, რომ ირანი აქამდე კატეგორიულად უარყოფდა ვარაუდებს იმის შესახებ, რომ უკრაინული „ბოინგ 737“ დედაქალაქთან ახლოს ირანულმა რაკეტამ ჩამოაგდო.

გიორგი ანთაძე - საქართველომ რეგიონში არსებული სამხედრო დისბალანსის გათვალისწინებით, თავისი თავდაცვის შესაძლებლობების გაუმჯობესებისკენ უფრო ქმედითი ნაბიჯები უნდა გადადგას
ქართული პრესის მიმოხილვა 03.08.2020
ალექსანდრე თვალჭრელიძე -  გაბრაზებული ამომრჩევლები ხმას მცირე პარტიებს მისცემენ, პარლამენტის გასაღები სწორედ მცირე პარტიების და  ახალი სახეების ხელშია
„ციტადელი“ მომხმარებელს ახალ შოურუმში ეპატიჟება
როგორ ვისარგებლოთ თიბისი ფეის აპლიკაციით
კრედო ბანკსა და ევროპის საინვესტიციო ბანკს შორის მიკრო, მცირე და საშუალო ბიზნესების ხელშესაწყობად 36 მილიონი ლარის მოცულობის საფინანსო ხელშეკრულება გაფორმდა