ვაშინგტონი უარს აცხადებს ერაყიდან ჯარების გაყვანის საკითხი განიხილოს

ვაშინგტონი უარს აცხადებს ერაყიდან ჯარების გაყვანის საკითხი განიხილოს. როგორც ცნობილია, ერაყის პრემიერმა, ადელ აბდულ მაჰდიმ ამერიკას ჯარების გაყვანის შესახებ, აშშ-ის სახელმწიფო მდივანთან, მაიკ პომპეოსთან სატელეფონო საუბრის დროს განაცხადა.

სახელმწიფო დეპარტამენტის ინფორმაციით, ამერიკის დელეგაცია საკითხს არ განიხილავს.

„აშშ-სა და ერაყის მთავრობებს შორის საუბრის საჭიროება უსაფრთხოების საკითხებთან დაკავშირებით არ დგას, თუმცა შესაძლოა, განხილულ იქნას ფინანსური, ეკონომიკური და დიპლომატიური ურთიერთობები“, - ნათქვამია თეთრი სახლის განცხადებაში.

ცოტა ხნით ადრე, თემაზე კომენტარი ქვეყნის პრეზიდენტმა, დონალდ ტრამპმაც გააკეთა. მისი თქმით, ამერიკელებმა ერაყში ბაზების ასაშენებლად და მოსაწყობად „მილიარდობით დოლარი“ გადაიხადეს და თუ ბაღდადს სურს ამერიკამ ქვეყანა დატოვოს, „უკან უნდა გადაუხადოს“.

ერაყის ხელისუფლებამ მოთხოვნა ქვეყნიდან აშშ-ის ჯარების გაყვანის შესახებ, პენტაგონის მიერ ბაღდადის აეროპორტში განხორციელებული ოპერაციის შემდეგ გამოთქვა. შეგახსენებთ, 3 იანვარს, აეროპორტზე თავდასხმის შედეგად ერაყელი და ირანელი სამხედრო მაღალჩინოსნები დაიღუპნენ.

ალექსანდრე თვალჭრელიძე - ჩვენი პოლიტიკური სპექტრის ნარატივი ინფანტილური და ფიცარივით ბრტყელია, არ გამოვრიცხავ ახალი პარტიის დაფუძნებას
ქართული პრესის მიმოხილვა 20.01.2021
ანდრია გვიდიანი - „ენგურჰესის“ გაჩერებამ კიდევ ერთხელ დაგვანახა, რომ ახალი ჰესების მშენებლობა სასიცოცხლოდ მნიშვნელოვანია
ეფექტური გზა რესპირაციული ინფექციების პრევენციისთვის
D ვიტამინის გავლენა რეპროდუქციულ ჯანმრთელობაზე