„ვაშინგტონ პოსტი“ - აშშ-მა გასულ კვირას კიდევ ერთი საიდუმლო ოპერაცია განახორციელა, თუმცა წარუმატებლად

აშშ-მა გასულ კვირას, ბაღდადის აეროპორტზე თავდასხმის პარალელურად კიდევ ერთი საიდუმლო ოპერაცია განახორციელა ირანელი მაღალჩნოსნების წინააღმდეგ, თუმცა ის წარუმატებელი აღმოჩნდა. ამის შესახებ „ვაშინგტონ პოსტი“ საკუთარ წყაროზე დაყრდნობით წერს.

გამოცემის ცნობით, ამჯერად ვაშინგტონი გეგმავდა ოპერაცია იემენში, "ყუდსის" ძალების კიდევ ერთი მაღალჩინოსნის, აბდულ რეზა შაჰლაის წინააღმდეგ განეხორციელებინა. როგორც ცნობილია, შაჰლაი „ყუდსის" ძალების ერთ-ერთი დამფინანსებელი და მეთაურია.

დეკემბერში, სახელმწიფო დეპარტამენტის სპეციალურმა წარმომადგენელმა ირანის საკითხებში განაცხადა, რომ თეთრი სახლი 15 მილიონ დოლარს გადაიხდიდა შაჰლაის ფინანსური აქტივობების, კავშირებისა და თანამებრძოლების შესახებ მნიშვნელოვანი ინფორმაციისთვის.

შეგახსენებთ, 3 იანვარს პენტაგონმა ერაყის დედაქალაქის აეროპორტში თავდასხმა განახორციელა, რომლის დროსაც ერაყისა და ირანის სამხედრო მაღალჩინოსნები, მათ შორის „ყუდსის ძალების“ გენერალი ყასემ სოლაიმანი დაიღუპა.

ალექსანდრე თვალჭრელიძე - ჩვენი პოლიტიკური სპექტრის ნარატივი ინფანტილური და ფიცარივით ბრტყელია, არ გამოვრიცხავ ახალი პარტიის დაფუძნებას
ქართული პრესის მიმოხილვა 20.01.2021
როგორ გაართვა თავი განათლების სისტემამ სწავლების დისტანციურ რეჟიმს? - პირველი სემესტრის შედეგებს განათლების მინისტრის მოადგილე აჯამებს
ეფექტური გზა რესპირაციული ინფექციების პრევენციისთვის
D ვიტამინის გავლენა რეპროდუქციულ ჯანმრთელობაზე