კანადის პრემიერ-მინისტრი, ჯასტინ ტრუდოს თქმით, ირანის მიერ უკრაინული თვითმფრინავის ჩამოგდების აღიარების შემდეგ, კანადა თეირანისგან „სრულ თანამშრომლობას“ ითხოვს.
„ამ ღამით ირანმა აღიარა, რომ უკრაინის საერთაშორისო ავიახაზების რეისი 752 შეიარაღებულმა ძალებმა ჩამოაგდეს. ეს ეროვნული ტრაგედიაა და ყველა კანადელი გლოვობს. ჩვენ განვაგრძობთ ჩვენს პარტნიორებთან თანამშრომლობას მთელი მსოფლიოს მასშტაბით, რათა ვუზრუნველყოთ სრული თანამშრომლობა. კანადის მთავრობა ირანის ხელისუფლებისგან სრულ თანამშრომლობას ელოდება“,-განაცხადა პრემიერმა.
შეგახსენებთ, რომ 8 იანვარს „უკრაინის ავიახაზების“ კუთვნილი თვითმფრინავი, რომელიც თეირანი-კიევის რეისს ასრულებდა, აფრენიდან მალევე, ირანის დედაქალაქთან ჩამოვარდა, რა დროსაც ბორტზე მყოფი ყველა პირი დაიღუპა. დაღუპულთა შორის 54 კანადის მოქალაქე იყოს. მოგვიანებით, ირანმა აღიარა, რომ თვითვმფრინავის ჩამოგდება „შეცდომით“ მოხდა.