კონფლიქტოლოგი გიორგი კანაშვილი - უნდა ველოდოთ, რომ აფხაზეთის ე.წ. საპრეზიდენტო არჩევნებში ოპოზიციონერი კანდიდატი ასლან ბჟანია გაიმარჯვებს

„უნდა ველოდოთ, რომ აფხაზეთის ე.წ. საპრეზიდენტო არჩევნებში ოპოზიციონერი კანდიდატი გაიმარჯვებს - ასლან ბჟანიას ამჟამად ამის ყველა წინაპირობა აქვს“, - ამის შესახებ „ინტერპრესნიუსს“ კონფლიქტოლოგმა გიორგი კანაშვილმა განუცხადა.

მისი თქმით, აფხაზეთში, ვადამდელ ე.წ. საპრეზიდენტო არჩევნებზე გამარჯვების უფრო მეტი შანსი ოპოზიციონერ კანდიდატს ექნება.

„რეალურად, ასლან ბჟანია იმთავითვე განიხილებოდა კანდიდატად, უბრალოდ, მისი მოწამვლის გამო მოხდა ბჟანიას ჩანაცვლება იმ კანდიდატით, რომელმაც საბოლოოდ იყარა კენჭი, ანუ ალხაზ კვიწინიასკენ წავიდა ხმები. ჯერჯერობით სიცხადე არ გვაქვს, მაგრამ თუ ისევ დააყენებს ბჟანია თავის კანდიდატურას, სავარაუდოდ, იგი განიხილება ყველაზე მძიმეწონოსან ოპოზიციონერად. ზოგადადაც, ამ ფონზე, როდესაც ხაჯიმბას ფაქტობრივად, თავისი პოზიციების დათმობა მოუწია, სავარაუდოდ, თუ რამე განსაკუთრებული არ მოხდა ამ პერიოდში, უნდა ველოდოთ, რომ ოპოზიციონერი კანდიდატი გაიმარჯვებს არჩევნებში, ახლა ხაჯიმბას პოზიციები დასუსტებულია. ბჟანიას ე.წ. პრეზიდენტად გახდომის ყველა წინაპირობაა“, - განუცხადა კანაშვილმა „ინტერპრესნიუსს“.

შეგახსენებთ, რომ ოკუპირებული აფხაზეთის უმაღლესი სასამართლოს მიერ ე.წ. საპრეზიდენტო არჩევნების მეორე ტურის შედეგების გაუქმების შემდეგ, არჩევნები ორი-სამი თვის შემდეგ გაიმართება. ოპოზიციონერი, ე.წ.პრეზიდენტობის კანდიდატი ალხაზ კვიწინია სასამართლოს გადაწყვეტილებით კმაყოფილია. თუმცა, ჯერ არ გადაუწყვეტია, მიიღებს თუ არა დაგეგმილ არჩევნებში მონაწილეობას.

ვაჟა ბერიძე -  „ნაციონალებს“ და მის მოკავშირეებს ელექტორატის ნახევარზე მეტი არ უჭერს მხარს, ხოლო 50%,  ვისაც არჩევანი გაკეთებული არ აქვს, „ოცნების“, დასავლელი პარტნიორებისა და საზოგადოების მთავარი პრობლემაა
ქართული პრესის მიმოხილვა 14.08.2020
აგვისტოს ომიდან 12 წლის შემდეგაც საქართველო დგას რუსული აგრესიის წინაშე
ირმა ინაშვილი საქართველოსა და აშშ-ის ხელისუფლებას მოუწოდებს, IRI-სა და NDI-ს საქართველოში კვლევების ჩატარება და გამოქვეყნება აეკრძალოთ
„თიბისის" პერსონალური საბანკო მომსახურება ტრანსფორმაციის ეტაპზე გადავიდა
Wolt და Mastercard ბათუმში გელიან!