ირანის რევოლუციური გვარდიის გენერალი - როცა თვითმფრინავის ჩამოვარდნის შესახებ გავიგე, სიკვდილი ვინატრე

ირანის რევოლუციური გვარდიის გენერლის, ამირ ალი ხაჯიზადეს თქმით, რა გადაწყვეტილებასაც მთავრობა მიიღებს, გვარდია მას შეასრულებს. ამის შესახებ მან „უკრაინის საერთაშორისო ავიახაზების“ თვითმფრინავის ჩამოგდების შესახებ საუბრისას განაცხადა.

„როცა გავიგე თვითმფრინავის ჩამოვარდნის შესახებ, სიკვდილი ვინატრე, რომ ამ ტრაგედიის მოწმე არ ვყოფილიყავი. ჩვენ მთელ პასუხისმგებლობას ჩვენს თავზე ვიღებთ. რა გადაწყვეტილებაც არ უნდა მიიღოს მთავრობამ, ჩვენ მას შევასრულებთ“, - განაცხადა ხაჯიზადემ.

შეგახსენებთ, თეირანში „უკრაინის ავიახაზების“ ჩამოგდებაზე სრული პასუხისმგებლობა ირანის რევოლუციურმა გვარდიამ აიღო.

ორგანიზაციის მიერ გავრცელებულ განცხადებაში ნათქვამია, რომ თვითმფრინავი შეცდომით „მტრულ სამიზნედ“ აღიქვეს, რადგან სამხედროები „მზაობის უმაღლეს დონეზე“ იყვნენ.

„ბოინგ 737“ თეირანის აეროპორტთან 8 იანვარს ჩამოვარდა, რის შედეგადაც ბორტზე მყოფი 176-ვე ადამიანი დაიღუპა.

გია ხუხაშვილი - თუ პროპორციულ არჩევნებში ხელისუფლებამ ვერ მოახერხა 40%-იანი ბარიერის გადალახვა, ხელისუფლებას მეორე ტურში შეიძლება შეექმნას სერიოზული პრობლემა
ქართული პრესის მიმოხილვა 17.09.2020
ზვიად კირტავა -  ახლა, როცა ვირუსს უკეთ ვიცნობთ, შეიძლება უფრო წერტილოვანი, ხანმოკლე და ლოკალური შეზღუდვების იმედად ვიყოთ
რან გიდორი - სწრაფვა მშვიდობისკენ კორონავირუსის დასამარცხებლად
"მემარცხენე ალიანსის" ლიდერი კახა ძაგანია - "ვხსნით ჩვენს პარტიას რეგისტრაციიდან და ვუერთდებით "პატრიოტთა ალიანსს"
ირმა ინაშვილი - ჩვენთან მიმართებაში გამოცხადებულია საინფორმაციო ბლოკადა
წინანდლის მამული რიგით მეორე მუსიკალურ ფესტივალს მასპინძლობს
წინანდლის მუზეუმს შარლ დე გოლის წერილები გადაეცა