თურქეთის სანაპიროსთან მიგრანტების ნავის ჩაძირვას 11 ადამიანის სიცოცხლე ემსხვერპლა

თურქეთის სანაპიროსთან ეგეოსის ზღვაში მიგრანტების ნავის ჩაძირვას 11 ადამიანის სიცოცხლე ემსხვერპლა, - ამის შესახებ ინფორმაციას „დოიჩე ველე“ ავრცელებს.

გამოცემის ცნობით, გარდაცვლილთა შორის 8 ბავშვია.

ინციდენტი შაბათს, საკურორტო ქალაქ ცეზმისთან ახლოს მოხდა. ნავზე, რომლითაც მიგრანტები საბერძნეთში გადასვლას აპირებდნენ, სულ 19 ადამიანი იმყოფებოდა.

ჯერჯერობით უცნობია, რომელი ქვეყნების მოქალაქეები იმყოფებოდნენ ნავზე.

ამავე დღეს მიგრანტების ნავის ჩაძირვის კიდევ ერთი ტრაგიკული შემთხვევა მოხდა. აღნიშნულ ინციდენტამდე ცოტა ხნით ადრე საბერძნეთის სანაპირო დაცვის სამსახურმა გაავრცელა ინფორმაცია, რომ იონიის ზღვაში ნავის ჩაძირვის შედეგად 12 მიგრანტი გარდაიცვალა, დანარჩენი 21 კი გადარჩა. მათივე ინფორმაციით, ნავზე, სავარაუდოდ, კიდევ 20-მდე ადამიანი იმყოფებოდა და მათ გადასარჩენად სამძებრო-სამაშველო ოპერაცია მიმდინარეობდა.

გიორგი ანთაძე - საქართველომ რეგიონში არსებული სამხედრო დისბალანსის გათვალისწინებით, თავისი თავდაცვის შესაძლებლობების გაუმჯობესებისკენ უფრო ქმედითი ნაბიჯები უნდა გადადგას
ქართული პრესის მიმოხილვა 03.08.2020
ალექსანდრე თვალჭრელიძე -  გაბრაზებული ამომრჩევლები ხმას მცირე პარტიებს მისცემენ, პარლამენტის გასაღები სწორედ მცირე პარტიების და  ახალი სახეების ხელშია
„ციტადელი“ მომხმარებელს ახალ შოურუმში ეპატიჟება
როგორ ვისარგებლოთ თიბისი ფეის აპლიკაციით
კრედო ბანკსა და ევროპის საინვესტიციო ბანკს შორის მიკრო, მცირე და საშუალო ბიზნესების ხელშესაწყობად 36 მილიონი ლარის მოცულობის საფინანსო ხელშეკრულება გაფორმდა