ანტისამთავრობო პროტესტის წახალისებისთვის ირანში დიდი ბრიტანეთის ელჩი დააკავეს

თეირანში, ამირ ქაბირის უნივერსიტეტთან გამართულ აქციაზე დიდი ბრიტანეთის დესპანი რობ მაკაირი დააკავეს, - ამის შესახებ ინფორმაციას „როიტერსი“ ირანულ საინფორმაციო სააგენტო Tasnim-ზე დაყრდნობით ავრცელებს.

გავრცელებული ინფორმაციით, დესპანი „ანტისამთავრობო პროტესტის მონაწილეების წახალისებისთვის“ რამდენიმე საათით დააკავეს.

ინფორმაციას ბრიტანეთის საგარეო საქმეთა სამინისტროც ადასტურებს.

„ჩვენი ელჩის თეირანში დაკავება ყოველგვარი საფუძვლისა და განმარტების გარეშე საერთაშორისო კანონის აშკარა დაღვევაა“, - ნათქვამია საგარეო საქმეთა მინისტრ დომინიკ რააბის მიერ გავრცელებულ განცხადებაში.

„ირანის მთავრობა გზაჯვარედინზე იმყოფება. მას შეუძლია პოლიტიკური და ეკონომიკური იზოლაციის გზით სვლა განაგრძოს, ან გადადგას ნაბიჯი დეესკალაციისკენ და დიპლომატიურ გზას დაადგეს“,- აცხადებს რააბი.

შეგახსენებთ, გუშინ, მას შემდეგ რაც, ირანმა უკრაინული თვითმფრინავის შეცდომით ჩამოგდება აღიარა, ქვეყანაში ანტისამთავრობო აქცია გაიმართა. მომიტინგეებმა ანტისამთავრობო სლოგანები გააჟღერეს და ყასემ სოლეიმანის სურათები დახიეს.

რამაზ საყვარელიძე - არცერთ კვლევაში პატარა პარტიებისკენ არ მიდის ხმები, რადგან ჯერ ისევ „ნაციონალების“ და მისი ვარიაციების მიღება-არმიღებაა მწვავე საკითხი
ქართული პრესის მიმოხილვა 06.08.2020
გიორგი ანთაძე - საქართველომ რეგიონში არსებული სამხედრო დისბალანსის გათვალისწინებით, თავისი თავდაცვის შესაძლებლობების გაუმჯობესებისკენ უფრო ქმედითი ნაბიჯები უნდა გადადგას
ბიზნესოპერაციები მობილური ტელეფონით - ტერაბანკის მობაილბანკი ბიზნესისთვის
ბუნებრივი რესურსების საკონსულტაციო მომსახურება - კოლიერსის და MMS-ის ერთობლივი პროდუქტი
მარტივი, უსაფრთხო და მოქნილი Apple Pay ციფრული საფულე პროკრედიტ ბანკის მომხმარებლებისთვის!
HR ბიზნეს სამიტი HR hub-ის ორგანიზებითა და PSP დაზღვევის მხარდაჭერით წარმატებით ჩატარდა
"მეამას" შენობა მსოფლიოში საუკეთესო სამუშაო სივრცედ დასახელდა