"ჰარვარდის სამედიცინო გზამკვლევის" მე-3 ტომი გამოვა, რომელიც დეპრესიას შეეხება

გაზეთ „კვირის პალიტრასთან" ერთად, დღეს, "ჰარვარდის სამედიცინო გზამკვლევის" მე-3 ტომი გამოვა, რომელიც დეპრესიას შეეხება.

სახელმძღვანელოში განმარტებულია დეპრესიის სახეები, მაპროვოცირებელი ფაქტორები, მახასიათებელი სიმპტომები და მკურნალობის მეთოდები, როგორც მედიკამენტოზური, ისე ფსიქოთერაპიული და ალტერნატიული. წიგნში, აგრეთვე, განხილულია გუნება-განწყობის სხვა აშლილობები, ფიზიკური ჯანმრთელობის ის პრობლემები, რომელთაც თან ახლავთ გუნებ-განწყობის დაქვეითება, დეპრესიის თავისებურებები ბავშვებსა და მოზარდებში, თვითმკვლელობის რისკის შეფასება.

შეგახსენებთ, რომ გამომცემლობა "პალიტრა L-ის" ამ პროექტის თითოეულ ტომს გამოცდილი ექიმი-კონსულტანტები ჰყავს. უშუალოდ, მესამე ტომის კონულტანტი კი ექიმი-ფსიქიატრი, თამარ ალადაშვილია.

"ჰარვარდის მედიცინის სკოლის მიერ გამოცემული აღნიშნული პრაქტიკული სახელმძღვანელო ეძღვნება დეპრესიულ აშლილობას, რომლისგანაც არც ერთი ჩვენგანი არაა დაზღვეული. დეპრესიას შეუძლია გააფერმკრთალოს ადამიანის ყოფა, შეუშალოს ხელი სრულფასოვნად ფუნქციონირებაში. მიუხედავად სირთულისა, დეპრესიული მდგომარეობაც დაძლევადია, თუკი დროულად ამოვიცნობთ მის გამოვლინებებს, მივმართავთ სპეციალისტებს დახმარებისთვის და ჩავიტარებთ სათანადო მკურნალობას.

მკითხველისთვის გასაგებ და მარტივ ენაზე დაწერილი ეს სახელმძღვანელო საკმაოდ ვრცელ ინფორმაციას გვაძლევს აღნიშნულ საკითხებზე, გვასწავლის, რომ მიუხედავად საზოგადოებაში ხშირად დამკვიდრებული სტიგმისა, რომელიც მენტალური აშლილობის ნებისმიერ ტიპს ეხება, არ უნდა ვითაკილოთ და ვითხოვოთ შველა, ვინაიდან ესაა ერთადერთი ხერხი იმ დაავადებისგან თავის დაღწევისა, რომელსაც დეპრესია ჰქვია", - თამარ ალადაშვილი.

"ჰარვარდის სამედიცინო გზამკვლევის" სპეციალური ფასია 6.5 ლარი, გაზეთთან ერთად - 8 ლარი.

ვიქტორ ყიფიანი - როგორიც არ უნდა იყოს რეგიონალური თუ საერთაშორისო კონიუქტურა, რისკების ასაცილებლად და შესაძლებლობების გამოსაყენებლად გზები დამოუკიდებლად უნდა ვეძებოთ
ქართული პრესის მიმოხილვა 07.08.2020
იგორ ტიშკევიჩი - უახლოესი 3-4 წელი მოსკოვის აგრესიული პოლიტიკის გამო პოსტსაბჭოთა ქვეყნებისთვის მშვიდობიანი ვერ იქნება
სიახლე ლიბერთის CASH-IN ბანკომატებში: უნიკალური სერვისი - „ვალუტის კონვერტაცია უბარათოდ“ უკვე ხელმისაწვდომია
ქართულმა ფარმაცევტულმა საწარმო „ავერსი-რაციონალმა“ საერთაშორისო აღიარება კიდევ ერთხელ მოიპოვა
ბიზნეს და საჯარო მონაცემების პირველი ერთიანი პლატფორმა საქართველოში
როგორ გაუზომავენ სიცხეს მოსწავლეთა ერთდროულ ნაკადს?
ბარათიდან თანხის განაღდების ახალი სერვისი ლიბერთის მომხმარებლისთვის „ნიკორა სუპერმარკეტის“ ქსელში
ახალი Galaxy Note 20 და Note 20 Ultra წინასწარი შეკვეთა დაიწყო