აშშ-ის თავდაცვის მინისტრი - ვერ ვხედავ მტკიცებულებას, რომ ირანი ოთხ ამერიკულ საელჩოზე თავდასხმას გეგმავდა

აშშ-ის თავდაცვის მინისტრის მარკ ესპერის განცხადებით, ის ვერ ხედავს სადაზვერვო სამსახურების მხრიდან წარმოდგენილ მტკიცებულებას იმის შესახებ, რომ ირანი ოთხ ამერიკულ საელჩოზე თავდასხმას გეგმავდა, რის შესახებაც რამდენიმე დღის წინ პრეზიდენტმა დონალდ ტრამპმა განაცხადა.

როგორც CBS-ის გადაცემა Face The Nation-თან ინტერვიუში მარკ ესპერმა აღნიშნა, ის ეთანხმება დონალდ ტრამპს იმაში, რომ აშშ-ის საელჩოების წინააღმდეგ თავდასხმების განხორციელება მოსალოდნელი იყო, თუმცა, პრეზიდენტის სიტყვები ოთხ საელჩოზე თავდასხმასთან დაკავშირებით „კონკრეტულ მტკიცებულებას არ ეფუძნებოდა.“

„რაც პრეზიდენტმა განაცხადა, იყო ის, რომ, შესაძლოა, საელჩოების წინააღმდეგ დამატებითი თავდასხმები განხორციელებულიყო. მე ვიზიარებ ამ შეხედულებას, თუმცა პრეზიდენტს კონკრეტული მტიცებულება არ წარმოუდგენია. სადაზვერვო სამსახურების მიერ წარმოდგენილ მტკიცებულებას ოთხ საელჩოსთან დაკავშირებით ვერ ვხედავ,“- განაცხადა ესპერამ.

შეგახსენებთ, რამდენიმე დღის წინ აშშ-ის პრეზიდენტმა დონალდ ტრამპმა Fox News-თან ინტერვიუში განაცხადა, გენერალ ყასემ სოლეიმანის ლიკვიდაციამდე, ირანი ოთხ ამერიკულ საელჩოზე თავდასხმას გეგმავდა.

იხილეთ ვიდეო: აშშ-ის თავდაცვის მინისტრი - ვერ ვხედავ მტკიცებულებას, რომ ირანი ოთხ ამერიკულ საელჩოზე თავდასხმას გეგმავდა

ვაჟა ბერიძე -  „ნაციონალებს“ და მის მოკავშირეებს ელექტორატის ნახევარზე მეტი არ უჭერს მხარს, ხოლო 50%,  ვისაც არჩევანი გაკეთებული არ აქვს, „ოცნების“, დასავლელი პარტნიორებისა და საზოგადოების მთავარი პრობლემაა
ქართული პრესის მიმოხილვა 14.08.2020
აგვისტოს ომიდან 12 წლის შემდეგაც საქართველო დგას რუსული აგრესიის წინაშე
ირმა ინაშვილი საქართველოსა და აშშ-ის ხელისუფლებას მოუწოდებს, IRI-სა და NDI-ს საქართველოში კვლევების ჩატარება და გამოქვეყნება აეკრძალოთ
„თიბისის" პერსონალური საბანკო მომსახურება ტრანსფორმაციის ეტაპზე გადავიდა
Wolt და Mastercard ბათუმში გელიან!