„დოიჩე ველეს“ ინფორმაციით, ირანში მშვიდობიან დემონსტრანტებს, სავარაუდოდ, ცეცხლი გაუხსნეს

„დოიჩე ველეს“ ინფორმაციით, სოციალურ ქსელებში ვრცელდება ვიდეო და ფოტომასალა, რომელიც ასახავს ირანის რევოლუციური გვარდიის მიერ ანტისამთავრობო დემონსტრაციების დარბევას. თუმცა, გამოცემა წერს, რომ ირანის ოფიციალურ წყაროებს მათი ავთენტურობა არ დაუდასტურებიათ.

გავრცელებულ კადრებში ჩანს როგორ იყენებენ სამართალდამცველები მშვიდობიანი მომიტინგეების წინააღმდეგ ცრემლსადენ გაზს და ცეცხლსასროლ იარაღს. მედია წერს, რომ მკაცრად ჩაკეტილი მედია სივრცის გამო, ვერ ხერხდება დადგინდეს, თუ რა ვითარებაა ქვეყანაში.

კადრებში, რომელიც ვრცელდება ჩანს, რომ მოვლენები თეირანის თავისუფლების მოედანზე იმართება, სადაც დემონსტრანტები უზენაესი ლიდერის აითოლა ალი ხამენეისა და ხელისუფლების სხვა წარმომადგენლების გადადგომას ითხოვენ.

ირანში მიმდინარე მოვლენებს ცოტა ხნის წინ აშშ-ის პრეზიდენტი, დონალდ ტრამპიც გამოეხმაურა. მან „ტვიტერში“ ფარსისა და ინგლისურ ენებზე განცხადება გამოაქვეყნა, სადაც თეირანს მოუწოდა, საკუთარი ხალხის წინააღმდეგ არ იბრძოლონ: „ნუ დახოცავთ თქვენს მომიტინგეებს. თქვენ უკვე ათასობით ადამიანი მოკალით და დააპატიმრეთ. მთელი მსოფლიო გადევნებთ თვალს! ჩართეთ ინტენეტი და ნება მიეცით ადამიანებს თავისუფლად გამოთქვან პროტესტი. შეწყვიტეთ საკუთარი დიდებული ხალხის მოკვლა!“-დაწერა ტრამპმა.

ხათუნა ლაგაზიძე  - „ოცნება“ ისეთ თავდაღმართშია, ვერავინ გეტყვით, როდის, რა მომენტში აფეთქდება - პლებისციტზე საუბარმა აზრი დაკარგა, მოლაპარაკება აუცილებელია, მაგრამ უპირობოდ - რიგგარეშე არჩევნებზე
რა კრიტერიუმებს უნდა აკმაყოფილებდეს გერმანიაში სეზონურ სამუშაოზე წასვლის მსურველი და რა იქნება საქართველოს მოქალაქეების ანაზღაურება?
ქართული პრესის მიმოხილვა 08.03.2021
ალექსანდრე თვალჭრელიძე - ქართულმა პოლიტიკურმა სისტემამ მდგრადობა დაკარგა და გარე ჩარევის გარეშე მისი გამოსწორება შეუძლებელია
სილქნეტი განცხადებას ავრცელებს (R)