კლუბ „ბასიანთან“ 3 ადამიანის დაჭრისთვის დაკავებული დამამძიმებელ გარემოებებში განზრახ მკვლელობის მცდელობის მუხლს არ ეთანხმება

კლუბ „ბასიანთან" 3 ადამიანის დაჭრისთვის დაკავეული ბიძინა ჩაჩხიანის ადვოკატის განმარტებით, თუ მას ბრალი იმავე საფუძვლით წარედგინა, რა მუხლითაც გამოძიება მიმდინარეობს, მისი დაცვის ქვეშ მყოფი წარდგენილ ბრალდებას არ დაეთანხმება.

მისივე განმარტებით, ბიძინა ჩაჩხიანს ბრალს ოფიციალურად დღეს, სავარაუდოდოდ, დღის მეორე ნახევარში წაუყენებენ.

„გამოძიება სისხლის სამართლის კოდექსის 19/109-ე მუხლით მიმდინარეობს, რაც დამამძიმებელ გარემოებებში განზრახ მკვლელობის მცდელობას გულისხმობს. ჩემი დაცვის ქვეშ მყოფის განმარტებით, თუ მას ბრალი იმავე მუხლით წარედგინა, რა მუხლითაც გამოძიება მიმდინარეობს, ის აღნიშნულ ბრალდებას არ დაეთანხმება“,-განაცხადა ბიძინა ჩაჩხიანის ადვოკატმა ია თოდუამ.

შეგახსენებთ, რომ თბილისში, კლუბ „ბასიანთან“ სროლის ფაქტზე საქართველოს შინაგან საქმეთა სამინისტრომ ერთი პირი დააკავა. ჩაჩხიანს კლუბ „ბასიანთან“ 3 პირის დაჭრის ფაქტზე 20 წლამდე, ან უვადო პატიმრობა ემუქრება.

შსს-ს ინფორმაციით, გამოძიებით დადგინდა, რომ დაკავებულმა, 12 იანვარს, კლუბ "ბასიანის" შესასვლელთან ცეცხლსასროლი იარაღიდან განახორციელა რამდენიმე გასროლა, რის შედეგადაც ჭრილობები მიაყენა 3 პირს.

იგორ ტიშკევიჩი - უახლოესი 3-4 წელი მოსკოვის აგრესიული პოლიტიკის გამო პოსტსაბჭოთა ქვეყნებისთვის მშვიდობიანი ვერ იქნება
ქართული პრესის მიმოხილვა 07.08.2020
გიორგი პერტაია - სავაჭრო პალატა მეწარმეებს ბიზნესის მხარდამჭერ ყველა პროგრამას ერთ ონლაინ პლატფორმაზე სთავაზობს
ახალი Galaxy Note 20 და Note 20 Ultra წინასწარი შეკვეთა დაიწყო
ბარათიდან თანხის განაღდების ახალი სერვისი ლიბერთის მომხმარებლისთვის „ნიკორა სუპერმარკეტის“ ქსელში