არასრულწლოვანთა პორნოგრაფიის და ტრეფიკინგის ბრალდებით დაკავებული ავსტრალიისა და საქართველოს ორი მოქალაქის საქმეზე, წინასასამართლო სხდომა მიმდინარეობს

არასრულწლოვანთა პორნოგრაფიის და ტრეფიკინგის ბრალდებით დაკავებული ავსტრალიისა და საქართველოს ორი მოქალაქის საქმეზე, თბილისის საქალაქო სასამართლოში წინასასამართლო სხდომა მიმდინარეობს.

დღევანდელ სასამართლო პროცესზე მტკიცებულებების დასაშვებობაზე იმაჯელებენ. ასევე, გადაისინჯება დაკავებულების მიმართ აღკვეთის ღონისძიების სახით შეფარდებული პატიმრობა.

როგორც საქმის პროკურორმა მაია გოგორელიანმა ჟურნალისტებს განუცხადა, საქმეზე არაერთი მტკიცებულება არსებობს.

„წარმოდგენილ 3 პირს არასრულწლოვანთა პორნოგრაფიას, ასევე არასრულწლოვანთა ტრეფიკინგს ვედავებით. ბრალდების მხარეს აქვს არაერთი მტკიცებულება, როგორც მშობლების მიმართ, ასევე დღეს წარმოდგენილი ბრალდებულების მიმართ. მათ შორის, გამოთხოვილი ინფორმაცია სოციალური ქსელიდან, აგრეთვე გვაქვს საბანკო გადარიცხვებიც და საბაჟო დეპარტამენტიდან გამოთხოვილი ინფორმაციაც, რომ ამანათები აღნიშნულ ბრალდებულებს აქვთ მიღებული. აბსოლუტურად ყველა მშობელთან წინასწარ ხდებოდა ამის თაობაზე მოლაპარაკება, ვინაიდან არცერთი ადამიანი იმხელა რისკს არ გაწევს, რომ საქართველოში ჩამოვიდეს, ბავშვებს მსგავსი შინაარსის ფოტოები გადაუღოს, მშობლები მეორე ოთახში იყვნენ და ამის შესახებ არაფერი იცოდნენ, თან ეს წლების განმავლობაში მიმდინარეობდა", -განაცხადა გოგორელიანმა.

ერთ-ერთი დაკავებულის ადვოკატის, მარიამ პაპოშვილის განცხადებით, მისი დაცვის ქვეშ მყოფი პირი დუმილის უფლებას იყენებს. ადვოკატი დღევანდელ სასამართლო პროცესზე დაკავებულების მიმართ აღკვეთის ღონისძიების სახით შეფარდებული პატიმრობის 10000-ლარიანი გირაოს სანაცვლოდ შეცვლის შუამდგომლობას დააყენებს.

არასრულწლოვანთა პორნოგრაფიის უკანონოდ დამზადება-გასაღებისა და ტრეფიკინგის ბრალდებით სულ 24 პირია დაკავებული.

საქმეში მთლიანად დაზარალებული 23 არასრულწლოვანია, რომელთა ასაკი 8 წლიდან 14 წლამდეა.

ზურაბ ბატიაშვილი - ხელისუფლებას აქვს მარტივი არჩევანი - ან დასავლეთთან ერთად ან დასავლეთის წინააღმდეგ, ამ არჩევანში თუ დასავლეთის და საკუთარი ხალხის წინააღმდეგ წავლენ, ხელისუფლებას მალევე დაკარგავენ
ქართული პრესის მიმოხილვა 04.03.2021
კახა გოგოლაშვილი - ევროკავშირის მედიაცია გახდა ინსტრუმენტი, რომელიც არ არის ერთჯერადი, სანამ კრიზისი არ მოგვარდება, ევროკავშირი ამ პროცესში ჩართული იქნება
შეფუთვის ვინტაჟური სტილი და ევროპული სტანდარტების ქარხანა - „ვაკე“ 2021 წელს სიახლეებით იწყებს
იურიდიული პირები პროკრედიტ ბანკში ანგარიშებს დისტანციურად გახსნიან