გვარამიას და ადეიშვილის პროკურატურა საქართველოში აღარასდროს დაბრუნდება, - ასე უპასუხა პარლამენტის ყოფილმა თავმჯდომარემ ირაკლი კობახიძემ ჟურნალისტების კითხვას, შეძლებს თუ არა პარლამენტი მიუკერძოებელი და დამოუკიდებელი გენერალური პროკურორის დანიშვნას.
ირაკლი კობახიძის თქმით, „ქართული ოცნების" ხელისუფლება პროკურატურას არასდროს არ გამოიყენებს როგორც რეპრესიულ ინსტრუმენტს.
„გვარამიას და ადეიშვილის პროკურატურა საქართველოში აღარასდროს დაბრუნდება. მათი პროკურატურა იყო მიკერძოებული, რომელიც "ნაციონალური მოძრაობის" მიერ რეპრესიების მთავარ ინსტრუმენტად გამოიყენებოდა. ეს არასდროს დაბრუნდება. ჩვენი ხელისუფლება პროკურატურას არასდროს გამოიყენებს როგორც რეპრესიულ ინსტრუმენტს. პროკურატურა იქნება მიუკერძოებელი და ეფექტიანი", - განაცხადა კობახიძემ.