სამების საკათედრო ტაძარში დღეს ჩვილთა საყოველთაო ნათლობა გაიმართება. როგორც „ინტერპრესნიუსს“ საპატრიარქოში განუცხადეს, 500-ზე მეტი ბავშვი მოინათლება. მათივე ინფორმაციით, ნათლობა დღის მეორე ნახევარში, დაიწყება. 20:00 საათისთვის სამების საკათედრო ტაძარში საქართველოს კათოლიკოს-პატრიარქი, უწმინდესი ილია მეორე მიბრძანდება და ნათლულებს დალოცავს.
ცნობისთვის, საყოველთაო ნათლობა 62-ედ იმართება. პატრიარქს 40 388 ნათლული ჰყავს.