ბოლო 24 საათის მანძილზე, ავღანეთსა და პანკისტანში დიდთოვლობასა და წვიმებს 50-მდე ადამიანი ემსხვერპლა. ოფიციალური პირების ინფორმაციით, გარკვეულ რეგიონებში მიმდინარეობს მოსახლეობის ევაკუაცია.
გავრცელებული ინფორმაციით, პაკისტანში უამინდობის შედეგად სულ მცირე 25 ადამიანი დაიღუპა, მათ შორის უმეტესობა ბალოჩისტანის პროვინციაში.
დიდთოვლობის გამო ჩაკეტილია გზები, რაც მოსახლეობას ხელს უშლის რეგიონი დატოვოს. ამ დროისთვის მიმდინარეობს გზების გაწმენდა.
რაც შეეხება ავღანეთს, დადასტურებული ცნობებით, 18 ადამიანი დაიღუპა, მათ შორის ქალები და ბავშვები. მედიის ცნობით, დედაქალაქ ქაბულში, ტემპერატურა მინუს 15 გრადუსს აღწევს, რაც სამაშველო სამუშაოებს კიდევ უფრო ართულებს.