ელენე ხოშტარიამ სასამართლო დარბაზი, სადაც 31 დეკემბერს პარლამენტთან დაკავებული პირების პროცესი მიმდინარეობს, პროტესტის ნიშნად დატოვა

“ევროპული საქართველოს” წევრმა ელენე ხოშტარიამ 31 დეკემბერს, საქართველოს პარლამენტის შენობის წინ დაკავებული პირების სასამართლო პროცესი დატოვა. აღნიშნული შინაგან საქმეთა სამინისტროს წარმომადგენლის ჩვენებას მოყვა, რომელიც ჰყვებოდა, თუ როგორ მოხდა ერთ-ერთი პირის დაკავება, რაზეც ელენე ხოშტარიას უარყოფითი რეაქცია ჰქონდა და სამართალდამცავს მოუწოდებდა სიმართლე ეთქვა.

“ნერვები მეშლება, არ გრცხვენიათ? იქ ვიყავი, რეებს ლაპარაკობთ? იმის იმედი მაქვს, იქნებ მოსამართლე მაინც გამოდგეს ნორმალური”,- მიმართა ელენე ხოშტარიამ შს წარმომადგენელს.

შეგახსენებთ, 31 დეკემბერს სამართალდამცავებმა რამდენიმე სამოქალაქო აქტივისტი დააკავეს. აქტივისტები პარლამენტის შენობის წინ კარვების აღებას და მათ ნაცვლად ატრაქციონების განთავსებას აპროტესტებდნენ. დაკავებულების მიმართ გამოძიება ადმინისტრაციული კოდექსის 166-ე (წვრილმანი ხულიგნობა) და 173-ე (სამართალდამცავი ორგანოს თანამშრომლის კანონიერი მოთხოვნისადმი დაუმორჩილებლობა) მუხლებით მიმდინარეობს, რაც 15 დღით თავისუფლების აღკვეთას ან ფინანსურ სანქციას გულისხმობს.

დიმიტრი შველიძე -  ხელისუფლების მთავარი თავის ტკივილი „ნაცმოძრაობაა“,  ამ ფონზე, მისთვის შეიძლება უფრო მისაღები იყოს „ევროპული საქართველო“
ქართული პრესის მიმოხილვა 12.08.2020
სევრის ხელშეკრულების 100 წლისთავი
ამერიკული სტეიკების ფესტივალი ბათუმში
“დიდი სიყვარულის დასაწყისი” - Wolt ქუთაისშია!
„მოედანი“ - პროექტი, რომელიც ავლაბარს ახალ სიცოცხლეს შესძენს
ამერიკული სტეიკის მასტერკლასი ბათუმში