არჩილ თალაკვაძე - ეუთო-ს ანგარიში ხაზს უსვამს, რომ ოპოზიციამ  პროცესები არა მოსამართლეთა შესარჩევად,  არამედ პოლიტიკური მიზნებისთვის გამოიყენა

უზენაესი სასამართლოს შერჩევის პროცესში ჩვენ, რა თქმა უნდა, წინ ვართ და მომავალში ეს პროცესი კიდევ უფრო ეფექტური გახდება, - ამის შესახებ პარლამენტის თავმჯდომარემ, არჩილ თალაკვაძემ მედიასთან განაცხადა, რითაც უზენაესი სასამართლოს მოსამართლეების შერჩევის პროცესთან დაკავშირებით ეუთო/ოდირ-ს დასკვნასთან დაკავშირებით დასმულ კითხვას უპასუხა.

არჩილ თალაკვაძის თქმით, კიდევ ერთი, რასაც ეუთო-ს ანგარიში უსვამს ხაზს, ოპოზიციის ნაწილის მხრიდან პროცესის პოლიტიზირების მცდელობაა.

„ჩვენთვის ყოველთვის საინტერესოა საერთაშორისო ორგანიზაციების შეფასებები და დასკვნები საქართველოში მიმდინარე მნიშვნელოვან მოვლენებთან დაკავშირებით. მე შეგახსენებთ, რომ საქართველოს პარლამენტმა მოსამართლეების შესარჩევად შექმნა ახალი კანონმდებლობა, რომელიც საერთოდ არ არსებობდა ამ სფეროში. ეუთო-ს ანგარიშში არის საუბარი ამაზეც, რომ ამ კუთხით საქართველომ გადადგა პროგრესული ნაბიჯები. ასევე წერია, რომ პროცესი იყო ღია და მთელ საზოგადოებას ჰქონდა საშუალება შერჩევის პროცესისთვის ედევნებინა თვალი და კიდევ ერთი, რასაც ეუთო-ს ანგარიში უსვამს ხაზს ეს არის პროცესის პოლიტიზირების მცდელობა ოპოზიციის ნაწილის მხრიდან, რომ ოპოზიციამ ეს პროცესები არა შესარჩევად, არამედ პოლიტიკური მიზნებისთვის გამოიყენა.

რა თქმა უნდა, იქ არის გარკვეული ნაწილები, რომლებსაც ჩვენ არ ვეთანხმებით, არის შენიშვნები, რომლებსაც არანაირი საფუძველი და მნიშვნელობა არ გააჩნდა შერჩევის პროცესში, მაგრამ საბოლოო შედეგი არის ის, რომ ჩვენ საერთაშორისო პარტნიორებმა გვირჩიეს, შეგვერჩია იმდენი მოსამართლე, რომ უზენაეს სასამართლოში ადგილების ნახევარი დარჩენილიყო შემდეგი პარლამენტისთვის, ეს ასე არის. გვირჩიეს, რომ შეგვერჩია 10 ახალი მოსამართლე და რეალურად გვყავს 12, ანუ მხოლოდ 2 - ით მეტი შეარჩია პარლამენტმა. შესაბამისად, დღეს უზენაესი სასამართლოს შერჩევის პროცესში ჩვენ, რა თქმა უნდა, წინ ვართ და მომავალში ეს პროცესი კიდევ უფრო ეფექტური გახდება“, - აღნიშნა არჩილ თალაკვაძემ.

კახა გოგოლაშვილი - ევროკავშირის მედიაცია გახდა ინსტრუმენტი, რომელიც არ არის ერთჯერადი, სანამ კრიზისი არ მოგვარდება, ევროკავშირი ამ პროცესში ჩართული იქნება
ქართული პრესის მიმოხილვა 03.03.2021
ქართული კონსტიტუციის 100 წლისთავთან დაკავშირებით კავკასიის საერთაშორისო უნივერსიტეტი სამეცნიერო კრებულს ამზადებს
იურიდიული პირები პროკრედიტ ბანკში ანგარიშებს დისტანციურად გახსნიან
ევროპის გუნდი: ლიბერთი ბანკისთვის უზრუნველყოფილი დამატებითი დახმარებით, COVID-19-ის კრიზისის დასაძლევად  ევროპის საინვესტიციო ბანკის მიერ მიკრო, მცირე და საშუალო საწარმოების მხარდაჭერა ახალ ეტაპზე გადადის
"მაგნიტის" ყოველდღიური 20%-იანი აქცია უფრო მრავალფეროვანი ხდება
სამომხმარებლო სესხი 3-თვიანი სრული საშეღავათო პერიოდით - ტერაბანკის ახალი აქცია