წყალმომარაგების კომპანია აბაშაში, წყლის სისტემის დაზიანებასთან დაკავშირებით განცხადებას ავრცელებს

წყალმომარაგების კომპანია აბაშაში წყლის სისტემის დაზიანებასთან დაკავშირებით განცხადებას ავრცელებს.

როგორც „ინტერპრესნიუსს“ წყალმომარაგების კომპანიიდან აცნობეს, აბაშის მუნიციპალიტეტის სტაბილური წყალმომარაგებისთვის სისტემების მშენებლობა-რეაბილიტაცია მიმდინარეობს. პროექტის ფარგლებში დაგეგმილი სამუშაოების წარმოებისას კონტრაქტორი კომპანიის მხრიდან ქსელის დაზიანებამ წყლის ამღვრევა გამოიწვია.

ქსელის დაზიანების გამო აბაშასა და მიმდებარე სოფლებს -მაიდანს, გულუხეთს, ონტოფოს, სამიქაოსა და აბაშისპირს წყალმომარაგება შეუწყდა.

„გაერთიანებული წყალმომარაგების კომპანია, სამეგრელო-ზემო სვანეთის გუბერნია და მუნიციპალიტეტის შესაბამისი სამსახურები მოსახლეობისთვის წყალმზიდების საშუალებით წყლის მიწოდებას უზრუნველყოფენ მანამ, სანამ წყალმომარაგება სრულად არ აღდგება.

24 საათიან რეჟიმში მუშაობს კომპანიის ცხელი ხაზი - 0322 93 -00 -00.

გარდა ამისა, ადგილზე მობილიზებულია წყალმომარაგების კომპანიის ტექნიკური და საავარიო ჯგუფები ყველა რეგიონიდან, რომლებიც მთელი ღამის განმავლობაში უწყვეტ რეჟიმში იმუშავებენ, რათა წარმოქმნილი პრობლება უმოკლეს ვადაში აღმოიფხვრას“,-ნათქვამია ინფორმაციაში.

თენგიზ ფხალაძე  - შიდაპოლიტიკურმა შუღლმა საერთო ეროვნული მეორე პლანზე გადაწია, ერთმანეთთან ძიძგილაობაში გართულები სულ უფრო ვემსგავსებით აისბერგისკენ ჯიუტად მიმავალ ტიტანიკს
ქართული პრესის მიმოხილვა 26.02.2021
კორნელი კაკაჩია - ხელისუფლებამ უნდა შეძლოს ქვეყნის გადაყვანა დაპირისპირების რელსებიდან კონსტრუქციულობის ფორმატში, თუმცა ამის რესურსს მმართველ გუნდში ვერ ვხედავ
1 მარტს, "ამბასადორი ჯგუფი" კურორტ გოდერძიზე ახალ სასტუმროს - „ამბასადორი გოდერძის“ გახსნის