როიტერსი - ამერიკელები ავიაბაზებზე განხორციელებული სარაკეტო თავდასხმის შესახებ წინასწარ იყვნენ გაფრთხილებული

ერაყში, სამხედრო ბაზებზე 8 იანვარს განხორციელებულ სარაკეტო თავდსხმამდე დაახლოებით 8 საათით ადრე ამერიკულმა და ერაყელმა ჯარისკაცებმა ალ-ასადის ავიაბაზაზე პერსონალი და იარაღი გამაგრებულ ბუნკერებში გადაიტანეს, - ამის შესახებ „როიტერსს“ ორმა ერაყელმა ოფიცერმა განუცხადა.

მათი ინფორმაციით, შუაღამისთვის ბაზაზე ყველა გამანადგურებელი და ვერტმფრენი გადამალული იყო. ერთ-ერთი ერაყელი ოფიცრის მტკიცებით, ამერიკულმა ჯარმა, სავარაუდოდ, თავდასხმის ზუსტი დროც კი იცოდა.

„მათ ეტყობოდათ, რომ ზუსტად იცოდნენ, ბაზაზე თავდასხმა შუაღამის შემდეგ უნდა განხორციელებულიყო, როდესაც ბაზაზე რაკეტები დაეშვა, მათ დაარტყეს ცარიელ ბუნკერებს, საიდანაც ევაკუაცია რამდენიმე საათის განხორციელებული იყო,“- აცხადებს წყარო.

შეგახსენებთ, 8 იანვარს ირანმა ერაყში, ირბილისა და ალ-ასადის ავიაბაზებზე, სადაც ამერიკელი და ერაყელი ჯარისკაცები იყვნენ განთავსებული, სარაკეტო თავდასხმა განახორციელა. თავდასხმის შედეგად არავინ დაშავებულა.

სარაკეტო თავდასხმის განხორციელების შემდეგ ზოგიერთი მედია საშუალება ამერიკელ და არაბ წყაროებზე დაყრდნობით ავრცელებდა ინფორმაციას იმის შესახებ, რომ ირანმა თავდასხმის შესახებ ერაყი გააფრთხილა, ამ უკანასკნელმა კი ინფორმაცია შეერთებულ შტატებს გადასცა.

თენგიზ ფხალაძე - პოლიტიკურ ძალებს შორის ურთიერთობაში უნდა არსებობდეს ზღვარი, რომლის იქითაც პროცესი არ უნდა წავიდეს, თუკი ეს ზღვარი წაიშალა, მძიმე შედეგს მივიღებთ
ქართული პრესის მიმოხილვა 27.01.2020
ავთანდილ წულაძე - საქართველოსთან მიმართებაში რუსეთის სტრატეგიული მიზანი არსებული სტატუს-კვოს შენარჩუნებაა
„ინვესტ ჯგუფი“ ანანოვების სასახლის მასშტაბური რეაბილიტაციის პროექტს იწყებს
"თიბისიმ" მსოფლიოში საუკეთესოდ აღიარებული მობაილბანკი განაახლა