აშშ-დან 21 საუდის არაბელი კადეტი გააძევეს

ფლორიდაში, პენსაკოლას სამხედრო ბაზაზე განხორციელებული თავდასხმის შემდეგ აშშ-მ ქვეყნიდან 21 საუდის არაბელი კადეტი გააძევა, - ამის შესახებ ინფორმაციას „ბიბისი“ ავრცელებს.

გამოცემის ცნობით, ჯარისკაცებს 21 წლის ლეიტენანტისთვის დახმარების გაწევაში ბრალი არ ედებათ, თუმცა აშშ-ის გენერალური პროკურორის, უილიამ ბარის ინფორმაციით, მათ ჯიჰადისტური მასალა და ბავშვთა პორნოგრაფიის ამსახველი ფოტოები აღმოაჩნდათ.

გენერალური პროკურორის თქმით, საუდის არაბეთის ხელისუფლებამ კადეტების გაყვანის გადაწყვეტილება თავად მიიღო და მათ სისხლის სამართლის პასუხისგებაში მიცემას აპირებს.

შეგახსენებთ, 6 დეკემბერს საუდის არაბელმა ჯარისკაცმა ფლორიდაში, პენსაკოლას საზღვაო-სამხედრო ძალების ბაზაზე მასობრივი სროლა განახორციელა, რის შედეგადაც 3 მეზღვაური გარდაიცვალა, 8 კი - დაშავდა. სამართალდამცველებმა თავდამსხმელის ლიკვიდაცია განახორციელეს.

პენსაკოლას ბაზაზე საავიაციო წვრთნებს უცხოელი სამხედრო ძალები გადიან. 6 დეკემბრის ინციდენტის შემდეგ იქ სხვადასხვა პროგრამაზე 200-მდე საერთაშორისო სტუდენტი ჩაირიცხა.

ავთანდილ წულაძე - საქართველოსთან მიმართებაში რუსეთის სტრატეგიული მიზანი არსებული სტატუს-კვოს შენარჩუნებაა
ქართული პრესის მიმოხილვა 24.01.2020
ვახტანგ ხმალაძე - ეუთო/ოდირის პასუხი საარჩევნო სისტემასთან დაკავშირებით ოპოზიციის წინადადებაზე სავარაუდოდ, ამ თვის ბოლომდე უნდა იყოს
გათამაშდა 1 მილიონ 182 454 ლარი - იძებნება მოგებული!
თეგეტა მოტორსმა 2019 წელი ავტოინდუსტრიის ბაზრის ლიდერის სტატუსით დახურა
სილქნეტმა გლობალურ საკომუნიკაციო კომპანია OneWeb-თან თანამშრომლობის მემორანდუმს მოაწერა ხელი
გეოგრაფიკი და კოლიერსი აბასთუმნის განვითარების პროექტის შესახებ