რელიგიის საკითხთა სახელმწიფო სააგენტო მართლმადიდებელ ქრისტიანებს, საქართველოს სამოციქულო ავტოკეფალურ მართლმადიდებელ ეკლესიას იესო ქრისტეს წინადაცვეთის დღესასწაულსა და წმიდა ბასილი დიდის ხსენების დღეს ულოცავს და მშვიდობას, ერთობასა და ქვეყნის კეთილდღეობას უსურვებს.
სახარების მიხედვით, უფლის წინადაცვეთა დაბადებიდან მერვე დღეს მოხდა. ამ წესის აღსრულების დროს დაერქვა ქრისტეს სახელი - იესო, რაც მაცხოვარს ნიშნავს და მიანიშნებს, რომ ქრისტე სამყაროს გამოსახსნელად განკაცდა. ახალ აღთქმაში წინადაცვეთა ნათლობის საიდუმლომ შეცვალა. დღეს მართლმადიდებლები აღნიშნავენ, ასევე, წმ. ბასილი დიდის ხსენების დღეს, რომელიც იყო თეოლოგი, მქადაგებელი, მწერალი.
ქრიატიანული ეკლესიის დიდი მამა ბასილი კესარიელი ერთ-ერთ ყველაზე პოპულარულ მოღვაწედ ითვლება ძველ ქართულ მწერლობაში. არსებობს მოსაზრება, რომ იგი კაპადოკელი ქართველი იყო.