“საერთაშორისო გამჭვირვალობა -საქართველოს” აღმასრულებელი დირექტორის, ეკა გიგაურის განცხადებით, იმისთვის, რომ გენერალური პროკურორის პოზიციაზე დამოუკიდებელი და მიუკერძოებელი პირი შეირჩეს, “ქართული ოცნების” პოლიტიკური ნებაა აუცილებელი.

გიგაურის თქმით, მისი ორგანიზაცია აღნიშნულ პროცესს მონიტორინგს გაუწევს.

“ვფიქრობთ, რომ აქ ყველაზე მნიშვნელოვანია პოლიტიკური ნება იმისთვის, რომ ავირჩიოთ დამოუკიდებელი და მიუკერძოებელი გენერალური პროკურორი. ეს პოლიტიკური ნება, რა თქმა უნდა, უნდა გამოავლინოს “ქართულმა ოცნებამ”. ჩვენ დავაკვირდებით მიმდინარე პროცესს”,- განაცხადა გიგაურმა.

შეგახსენებთ, რომ საპროკურორო საბჭოს გენერალური პროკურორობის კანდიდატების შესარჩევი ვადა რამდენიმე დღეში ეწურება.