ბაღების მართვის სააგენტომ N19 ბაგა-ბაღის დემონტაჟი დაიწყო

თბილისის საბავშვო ბაგა-ბაღების მართვის სააგენტომ დიღმის მასივში, მეოთხე კვარტალში მდებარე N19 ბაგა-ბაღის შენობის დემონტაჟი დაიწყო. ამის შესახებ „ინტერპრესნიუსს“ თბილისის მერიიდან აცნობეს.

მათი ინფორმაციით, ავარიული ბაღის ნაცვლად ამ უბანს 2021 წლისათვის ახალი, თანამედროვე სტანდარტების საბავშვო ბაგა-ბაღი შეემატება.

დემონტაჟის პროცესსა და ახალი ბაგა-ბაღის პროექტს თბილისის საბავშვო ბაგა-ბაღების მართვის სააგენტოს ხელმძღვანელი კახაბერ გვანცელაძე ბაღის პერსონალთან და დიდუბის რაიონის გამგებლის მოადგილესთან ერთად გაეცნო და კონტრაქტორი კომპანიის წარმომადგენელს გაესაუბრა.

მისი თქმით, მშენებლობა 2020 წლის ბოლოსთვის დასრულდება, ხოლო შენობა ექსპლუატაციაში 2021 წელს შევა.

„ორწლიანი საპროექტო და საექსპერტო სამუშაოების შემდეგ, ჩვენ უმნიშვნელოვანეს ეტაპზე გადავედით. მეცხრამეტე ბაგა-ბაღის ავარიული შენობის დამონტაჟი მალე დასრულდება, დასუფთავდება სამშენებლო ტერიტორია და რამდენიმე კვირაში ახალი ბაღის მშენებლობას ჩავუყრით საფუძველს. თითოეული ბაღის მშენებლობა უმნიშვნელოვანესია ქალაქისთვის, განსაკუთრებით კი ასე მჭიდროდ დასახლებული უბნისათვის. მოხარული ვარ, რომ დიღმის მასივს ახალი, თანამედროვე სტანდარტების, ადაპტირებული, რვაჯგუფიანი საბავშვო ბაღი შეემატება, სადაც 250-მდე ბავშვი მიიღებს სკოლამდელ განათლებას,“ - განაცხადა კახაბერ გვანცელაძემ.

მისივე თქმით, 2020 წელს, ეტაპობრივად, თბილისში კიდევ 13 ბაღის ავარიული შენობის დემონტაჟი და მათ ნაცვლად ახალი შენობების მშენებლობა დაიწყება.

N19 ბაგა-ბაღის დემონტაჟსა და მშენებლობას შპს „ბილდ ტერიტორი“ ასრულებს. პროექტის ღირებულება 4 518 000 ლარია.

ავთანდილ წულაძე - საქართველოსთან მიმართებაში რუსეთის სტრატეგიული მიზანი არსებული სტატუს-კვოს შენარჩუნებაა
ქართული პრესის მიმოხილვა 23.01.2020
ვახტანგ ხმალაძე - ეუთო/ოდირის პასუხი საარჩევნო სისტემასთან დაკავშირებით ოპოზიციის წინადადებაზე სავარაუდოდ, ამ თვის ბოლომდე უნდა იყოს
გათამაშდა 1 მილიონ 182 454 ლარი - იძებნება მოგებული!
თეგეტა მოტორსმა 2019 წელი ავტოინდუსტრიის ბაზრის ლიდერის სტატუსით დახურა
სილქნეტმა გლობალურ საკომუნიკაციო კომპანია OneWeb-თან თანამშრომლობის მემორანდუმს მოაწერა ხელი
გეოგრაფიკი და კოლიერსი აბასთუმნის განვითარების პროექტის შესახებ
"ლიბერთი ბანკსა" და "ევექსი კლინიკებს" შორის ურთიერთთანამშრომლობის მემორანდუმი გაფორმდა
"სილქნეტი" აგრძელებს ოპტიკური ქსელის განვითარებას რეგიონებში - დაფარვის ზონას დაემატა დუშეთი