მე არაერთხელ ვისაუბრე იმაზე, რომ ჩვენ ჟენევის ფორმატი უნდა გავაცოცხლოთ, გავააქტიუროთ, ავწიოთ და დავუბრუნოთ მისი პოლიტიკური დატვირთვა, - ამის შესახებ პრეზიდენტმა სალომე ზურაბიშვილმა საოკუპაციო ხაზთან არსებულ ვითარებაზე საუბრისას განაცხადა.

მისივე თქმით, პრობლემის გადაჭრის გზა დიპლომატიაა.

„ტერიტორიები, რომელიც ჩვენი კონტროლის ქვეშ არ არის, ეს ნიშნავს, რომ ჩვენი კონტროლის და ჩვენი ბერკეტების ქვეშ არ არის. ეს იმას ნიშნავს, რომ ჩვენ გვაქვს ერთადერთი გზა, ეს არის დიპლომატიური გზა, კიდევ უფრო ეფექტური დიპლომატიური ქმედებების დაწყება. მე არაერთხელ ვისაუბრე იმაზე, რომ ჩვენ ჟენევის ფორმატი უნდა გავაცოცხლოთ, გავააქტიუროთ, ავწიოთ და დავუბრუნოთ მისი პოლიტიკური დატვირთვა. ჩვენ კიდევ უფრო აქტიურად უნდა ვიმუშაოთ ორმხრივი დიპლომატიური კუთხით. ყველა ბერკეტი, რაც არსებობს მშვიდობიანი და დიპლომატიური კუთხით, უნდა იყოს გამოყენებული, ეს არის ჩვენი გზა,“- განაცხადა სალომე ზურაბიშვილმა.