ოთარ კახიძე - გენერალურ პროკურატურას მოვუწოდებთ, კლუბ "ბასიანთან" მომხდარი დანაშაულის კვალიფიკაციას გადახედოს

გენერალურ პროკურატურას მოვუწოდებთ, რომ გადახედოს კლუბ "ბასიანთან" მომხდარი დანაშაულის კვალიფიკაციას, ვინაიდან გენერალური პროკურატურის მხრიდან მსგავსი დანაშაულების მიმართ შემწყნარებლური დამოკიდებულება კიდევ უფრო ზრდის ასეთი დანაშაულების ჩადენის რისკს, - ამის შესახებ "ევროპული საქართველოს" ერთ-ერთმა ლიდერმა ოთარ კახიძემ კლუბ "ბასიანთან" მომხდარ დაჭრის ფაქტზე საუბრისას განაცხადა.

კახიძის თქმით, კლუბ "ბასიანთან" ჩადენილი იყო განსაკუთრებით მძიმე დანაშაული, როდესაც ერთმა პირმა მიიტანა გლუვლულიანი ცეცხლსასროლი იარაღი და 15-ჯერ ისროლა იქ მყოფი მოქალაქეების მისამართით.

„საქართველოს გენერალურმა პროკურატურამ ამ მძიმე დანაშაულზე დაიწყო გამოძიება არა იმ კვალიფიკაციით, რომელსაც ითვალისწინებს ჩვენი კანონმდებლობა, ეს არის მკვლელობის მცდელობა არაერთი პირის მიმართ, არამედ განზრახ მძიმე დაზიანება, რაც არის უფრო მსუბუქი მუხლი და საქართველოს გენერალური პროკურატურა ამით გზავნილს აწვდის საზოგადოებას, რომ ამგვარი უმძიმესი დანაშაულების მიმართ პოლიტიკა არის ლოიალური, რაც არის მიუღებელი და დაუშვებელი. ჩვენ, "ევროპული საქართველო" მოვუწოდებთ გენერალურ პროკურატურას, რომ გადახედოს აღნიშნული დანაშაულის კვალიფიკაციას, ვინაიდან ყოველი ასეთი ქმედება, როცა გენერალური პროკურატურის დამოკიდებულება მძიმე დანაშაულის მიმართ არის შემწყნარებლური, კიდევ უფრო ზრდის მსგავსი დანაშაულების ჩადენის რისკს. კიდევ უფრო დაუცველად ამყოფებს საზოგადოებას", - განაცხადა ოთარ კახიძემ.

კლუბ „ბასიანთან" 3 ადამიანის დაჭრისთვის დაკავებულ ბიძინა ჩაჩხიანს ბრალი ოფიციალურად 13 იანვარს წარედგინა.

ბიძინა ჩაჩხიანს ბრალი სსკ-ის 117-ე მუხლის მე-3 ნაწილის "გ", მე-5 ნაწილის "გ", მე-7 ნაწილის "ა" და 239-ე მუხლის მე-3 ნაწილით წარუდგინეს, რაც ჯანმრთელობის განზრახ მძიმე დაზიანებას და ხულიგნობას გულისხმობს.

აღნიშნული ბრალდება 9-დან 13-წლამდე თავისუფლების აღკვეთას ითვალისწინებს.

რამაზ საყვარელიძე - არცერთ კვლევაში პატარა პარტიებისკენ არ მიდის ხმები, რადგან ჯერ ისევ „ნაციონალების“ და მისი ვარიაციების მიღება-არმიღებაა მწვავე საკითხი
ქართული პრესის მიმოხილვა 05.08.2020
გიორგი ანთაძე - საქართველომ რეგიონში არსებული სამხედრო დისბალანსის გათვალისწინებით, თავისი თავდაცვის შესაძლებლობების გაუმჯობესებისკენ უფრო ქმედითი ნაბიჯები უნდა გადადგას
მარტივი, უსაფრთხო და მოქნილი Apple Pay ციფრული საფულე პროკრედიტ ბანკის მომხმარებლებისთვის!
HR ბიზნეს სამიტი HR hub-ის ორგანიზებითა და PSP დაზღვევის მხარდაჭერით წარმატებით ჩატარდა
"მეამას" შენობა მსოფლიოში საუკეთესო სამუშაო სივრცედ დასახელდა