ქეთევან ციხელაშვილი - სამწუხაროდ და საუბედუროდ, საოკუპაციო რეჟიმი პერიოდულად ახორციელებს უკანონო მოქმედებებს, მათ შორის, ჩორჩანას მიმდებარე ტერიტორიაზე

შერიგებისა და სამოქალაქო თანასწორობის საკითხებში სახელმწიფო მინისტრი ქეთევან ციხელაშვილი ხაშურის მუნიციპალიტეტში, გამყოფ ხაზთან მდებარე სოფლების - ჩორჩანას და წაღვლის მიმდებარედ, საოკუპაციო ძალების მხრიდან უკანონო ინსტალაციების აღმართვის ფაქტს გამოეხმაურა.

ციხელაშვილის განცხადებით, მუშაობა ფაქტობრივად ყოველდღე გრძელდება იმ მიზნით, რომ მოხდეს საოკუპაციო ძალების მხრიდან უკანონო მოქმედებების შეჩერება და აღკვეთა,

„სამწუხაროდ და საუბედუროდ, საოკუპაციო რეჟიმი პერიოდულად ახორციელებს უკანონო მოქმედებებს, მათ შორის, ჩორჩანას მიმდებარე ტერიტორიაზე. კონკრეტულ ფაქტებთან დაკავშირებით სახელმწიფო უსაფრთხოების სამსახურმა უკვე გაააქტიურა „ცხელი ხაზი“, იცით, თქვენ, რომ ჟენევის საერთაშორისო დისკუსიების ფარგლებში ეს ერთ-ერთი ყველაზე აქტუალური საკითხი გახლავთ, არაერთი ტექნიკური შეხვედრა უშუალოდ ამ მონაკვეთზე არსებულ უსაფრთხოების მდგომარეობას მიეძღვნა ერგნეთში და ეს მუშაობა ფაქტობრივად ყოველდღე გრძელდება იმ მიზნით, რომ მოხდეს ამ უკანონო მოქმედებების შეჩერება, აღკვეთა“, - განაცხადა ქეთევან ციხელაშვილმა.

ციხელაშვილის თქმით, საოკუპაციო რეჟიმი ამ უკანონო ქმედებებს აბამს ისეთ ჰუმანიტარულ და ძალიან მნიშვნელოვან საკითხებს ადამიანებისთვის, როგორიც არის გადაადგილების თავისუფლება.

„ახალგორის მიმართულებით გადაადგილების სრული შეზღუდვა ფაქტობრივად თავადვე დაუკავშირეს ჩორჩანაში მათ მიზნებს და სურვილებს, თავის მხრივ, უკანონოს და არალეგიტიმურს, რაც ნიშნავს იმას, რომ მოსახლეობა არის ფაქტობრივად მძევლად აყვანილი. სურთ ამ ფორმით განახორციელონ ზეწოლა უშუალოდ ადამიანებზე და ქართულ მხარეზე, რაც არის დაუშვებელი არა მხოლოდ პოლიტიკურად და სამართლებრივად, ადამიანური ნორმებიდან გამომდინარე იმიტომ, რომ იქმნება ჰუმანიტარული კრიზისი და აუცილებელია მიმოსვლის აღდგენა იმისთვის, რომ კიდევ უარესი იქნას თავიდან აცილებული“, - აღნიშნა ქეთევან ციხელაშვილმა.

ზაალ ანჯაფარიძე - ოპოზიციის მიერ დანიელსონის დოკუმენტის რევიზიის მცდელობა მათი კიდევ ერთი უგუნური შეცდომა იქნება, ამ შემთხვევაში, ოპოზიციას დასავლეთის მხარდაჭერის იმედი ნაკლებად შეიძლება ჰქონდეს
ქართული პრესის მიმოხილვა 16.04.2021
არასტანდარტულ დროში არაკონვენციური გადაწყვეტის როლზე: საქმე ხელშესახები შედეგის მისაღწევად
„ლისი დეველოპმენტისა“ და ჰოლანდიური განვითარების ბანკ - FMO-ს შორის 10-წლიანი წარმატებული თანამშრომლობა დასასრულს მიუახლოვდა
ფინკა ბანკი - ექსკლუზიური პირობები ფერმერებს აგრო სესხებზე
„ხალიკ ბანკი საქართველოს“ გრძელვადიანი რეიტინგის მაჩვენებელი BB დონიდან BB+ დონემდე გაუმჯობესდა
საგაზაფხულო შეთავაზება პროექტისგან “მოედანი“
კრიპტალზე ვიზა და მასტერქარდის გამოყენებით ლარის განაღდება უფასო გახდა
ლიბერთისა და ნიუ ვიჟენის პარტნიორობა - აგრო დაზღვევის ახალი სერვისი ფერმერებისთვის
„ტერასა რეზორთ ბაკურიანის“ განსაკუთრებული შეთავაზება აპარტამენტებზე 30 აპრილამდე გრძელდება