სამგზავრო თვითმფრინავიდან, რომელიც ლოს-ანჯელესის საერთაშორისო აეროპორტში ავარიულ დაჯდომას ახორციელებდა, გადმოღვრილი საწვავი ერთ-ერთი დაწყებითი სკოლის სპორტულ მოედანზე დაიღვარა, რის შედეგადაც 17 ბავშვი მსუბუქად დაშავდა, - ამის შესახებ ინფორმაციას „ბიბისი“ ავრცელებს.

გამოცემის ცნობით, ქალაქ კადაჰის დაწყებითი სკოლის მოსწავლეებს ძირითადად კანის დაზიანებები და სუნთქვის პრობლემები აღენიშნებათ.

გავრცელებული ინფორმაციით, ძრავში წარმოქმნილი პრობლემის გამო „დელტა ეარლაინის“ თვითმფრინავი ლოს-ანჯელესის საერთაშორისო აეროპორტში ავარიულ დაჯდომის განსახორციელებლად ბრუნდებოდა და წონის შემსუბუქების გამო თვითმფრინავიდან ნავთობი გადმოღვარეს.

„ბიბისი“ წერს, რომ ავიაციის წესების თანახმად, საწვავის გადმოღვრა განსაზღვრულ ტერიტორიაზე და მაღალ სიმაღლეზე უნდა განხორციელდეს.