აშშ-ის პრეზიდენტის, დონალდ ტრამპის ინფორმაციით, ის ბრიტანეთის პრემიერ-მინისტრს, ბორის ჯონსონის განცხადებას, რომ ირანის ბირთვული ხელშეკრულება „ტრამპის ხელშეკრულებით“ უნდა შეიცვალოს, ეთანხმება.
„გაერთიანებული სამეფოს პრემიერ-მინისტრმა ბორის ჯონსონმა განაცხადა, რომ „ჩვენ უნდა შევცვალოთ ირანის ხელშეკრულება ტრამპის ხელშეკრულებით. ვეთანხმები!“-განაცხადა ტრამპმა „ტვიტერის“ საკუთარ გვერდზე.
ცნობისთვის, აშშ-მა ყოფილი პრეზიდენტის ბარაკ ობამას მიერ ხელმოწერილი დოკუმენტი 2018 წელს დატოვა. დონალდ ტრამპი, ბარაკ ობამას და თავად ხელშეკრულებას ხშირად აკრიტიკებდა, რომ ის ძალიან მსუბუქი იყო ირანის რეჟიმთან მიმართებაში.