საქსტატის აღმასრულებელი დირექტორი მთავარ გამოწვევებს შორის შეზღუდულ რესურსებს, მონაცემების არასწორ ინტერპრეტაციას და პოლიტიკურ მანიპულირებას ასახელებს

საქართველოს სტატისტიკის ეროვნული სამსახურის აღმასრულებელი დირექტორი გოგიტა თოდრაძე საქსტატის 2019 წლის მთავარ გამოწვევებს შორის შეზღუდულ რესურსებს, მონაცემების არასწორ ინტერპრეტაციას და პოლიტიკურ მანიპულირებას ასახელებს. ამის შესახებ თოდრაძემ ბრიფინგზე განაცხადა, რომელზეც მედიის წარმომადგენლებს საქსტატის 2019 წლის საქმიანობის ანგარიში წარუდგინა.

„მთავარ გამოწვევებს შორის აღსანიშნავია შეზღუდული ფინანსური, შრომითი და სხვა სახის რესურსები. ასევე გამოწვევად რჩება მონაცემთა არასწორი ინტერპრეტაცია. ჩვენი მონაცემები ხშირად გახლავთ პოლიტიკური მანიპულირების იარაღი და ჩვენს მიერ გამოყენებული მეთოდოლოგია ხშირად არის სხვადასხვა დაინტერესებული მხარის მხრიდან კრიტიკის ობიექტი“, - აღნიშნა თოდრაძემ.

მისივე თქმით, ამ ორი გამოწვევის საპასუხოდ საქსტატი დონორ საერთაშორისო ორგანიზაციებთან მეტ თანამშრომლობას და მონაცემთა არასწორი ინტერპრეტაციის ნაწილში, მეტ გამჭვირვალე კომუნიკაციას გეგმავს მომხმარებლებთან.

კორნელი კაკაჩია - ხელისუფლებამ უნდა შეძლოს ქვეყნის გადაყვანა დაპირისპირების რელსებიდან კონსტრუქციულობის ფორმატში, თუმცა ამის რესურსს მმართველ გუნდში ვერ ვხედავ
დიმიტრი შველიძე - რუსული ოკუპაციის 100 წლისთავზე მთავარია გვახსოვდეს - ყოფილი მეტროპოლია ფარული ჩარევით, მშვიდად უყურებს საქართველოში პოლიტიკური ბანაკების გაუთავებელ ომს
ქართული პრესის მიმოხილვა 25.02.2021
კომპანია "სილქნეტი" განცხადებას ავრცელებს
როგორ შეუძლიათ ბიზნესებს თანამშრომელთა სამუშაო საათები ავტომატურად აღრიცხონ?
ბაკურიანის მსოფლიო თასის ეტაპებისთვის რეგისტრაცია დასრულებულია
ჰააგის სისხლის სამართლის საერთაშორისო სასამართლოსთან არსებულმა დაზარალებულთა ნდობის ფონდმა საქართველოსთვის დახმარების პროგრამა დაამტკიცა
ლაბორატორია „მეგალაბში“ კორონავირუსის ე.წ. ბრიტანული შტამის დადგენაა შესაძლებელი