„საქსტატი“ რეპეტიტორების და ბინის გამქირავებლების რაოდენობის შესახებ გამოკვლევის ჩატარებას გეგმავს

მიმდინარე წელს „საქსტატი“ რეპეტიტორების და ბინის გამქირავებლების რაოდენობის შესახებ სტატისტიკური გამოკვლევის ჩატარებას გეგმავს.

საქართველოს სტატისტიკის ეროვნული სამსახურის აღმასრულებელმა დირექტორმა გოგიტა თოდრაძემ უწყების 2020 წლის გეგმებზე საუბრისას განაცხადა, რომ 2020 წელს „საქსტატი“ ორი სექტორის, კერძოდ, განათლებისა და უძრავი ქონების დაუკვირვებადი ეკონომიკის გამოკვლევას გეგმავს.

„2020 წლიდან რამდენიმე ახალ მიმართულებას გვექნება. დაუკვირვებადი ეკონომიკა შეფასდება განათლებისა და უძრავი ქონებით ოპერაციების სექტორში, რადგანაც ვფიქრობთ, რომ დაუკვირვებადი ეკონომიკის მაჩვენებელი საკმაოდ მაღალი შეიძლება იყოს ამ ნაწილში, განსაკუთრებით ეს ეხება კერძო რეპეტიტორების მიმართულებას და საცხოვრებელი უძრავი ქონების გაქირავებას,“-აღნიშნა თოდრაძემ.

მისივე თქმით, წელს პირველად ჩატარდება დროის გამოყენების სტატისტიკის კვლევა. 20 იანვრიდან „საქსტატი“ ყოველთვიურად გამოაქვეყნებს ადგილობრივი წარმოების ექსპორტის სტატისტიკის ანალიზს ქვეყნების და სასაქონლო ჯგუფების ჭრილში.

ამასთან, თოდრაძე აცხადებს, რომ ტურიზმისა და მიგრაციის შეფასების მიმართულებით , საპილოტე პროექტის ფარგლებში მუშავდება მობილური კავშირგაბმულობის ოპერატორის მონაცემები და ჯიპიეს სიგნალების მიხედვით დაკვირვება ხდება მიგრაციულ პროცესებზე და ტურიზმის სტატისტიკის გარკვეულ პარამეტრებზე, რაც მონაცემების დამატებითი წყაროა.

კახა გოგოლაშვილი - ევროკავშირის მედიაცია გახდა ინსტრუმენტი, რომელიც არ არის ერთჯერადი, სანამ კრიზისი არ მოგვარდება, ევროკავშირი ამ პროცესში ჩართული იქნება
ქართული პრესის მიმოხილვა 03.03.2021
ქართული კონსტიტუციის 100 წლისთავთან დაკავშირებით კავკასიის საერთაშორისო უნივერსიტეტი სამეცნიერო კრებულს ამზადებს
იურიდიული პირები პროკრედიტ ბანკში ანგარიშებს დისტანციურად გახსნიან
ევროპის გუნდი: ლიბერთი ბანკისთვის უზრუნველყოფილი დამატებითი დახმარებით, COVID-19-ის კრიზისის დასაძლევად  ევროპის საინვესტიციო ბანკის მიერ მიკრო, მცირე და საშუალო საწარმოების მხარდაჭერა ახალ ეტაპზე გადადის
"მაგნიტის" ყოველდღიური 20%-იანი აქცია უფრო მრავალფეროვანი ხდება
სამომხმარებლო სესხი 3-თვიანი სრული საშეღავათო პერიოდით - ტერაბანკის ახალი აქცია