18 იანვარს აღმოსავლეთ საქართველოში ტემპერატურა -8 გრადუსამდე დაეცემა

18 იანვარს აღმოსავლეთ საქართველოში ღამით ტემპერატურა -8 გრადუსამდე დაეცემა, თბილისში კი -4 გრადუსია მოსალოდნელი.

გარემოს ეროვნული სააგენტოს ინფორმაციით, 16 იანვარს, დასავლეთ საქართველოში უნალექო ამინდია მოსალოდნელი, დღისით გაძლიერდება აღმოსავლეთის ქარი - 20/25 მ/წმ-ში. საშუალო ტემპერატურა დღისით 7-12 გრადუსი იქნება. აღმოსავლეთ საქართველოში კი მცირე ნალექია მოსალოდნელი, უმეტესად თოვლის სახით. აღმოსავლეთ საქართველოს ბარში 0-5 გრადუსი იქნება. რაც შეეხება თბილისს, დედაქალაქში თოვლჭყაპი და ნისლია ნავარაუდევი. თბილისში დღისით 3 გრადუსი სითბო დაფიქსირდება.

17 იანვარს დასავლეთ საქართველოში უნალექო ამინდი იქნება, გაძლიერდება აღმოსავლეთის ქარი, აღმოსავლეთ საქართველოში მოსალოდნელია მცირე ნალექი, უმეტესად თოვლის სახით, თბილისში - თოვლჭყაპი და ნისლია ნავარაუდევი.

18 იანვარს, დასავლეთ საქართველოში მცირე ნალექია მოსალოდნელი. აღმოსავლეთ საქართველოში ღამით ტემპერატურა დაიკლებს და ზოგიერთ რაიონში -8 გრადუსამდე დაეცემა. რაც შეეხება თბილისს, 18 იანვარს დედაქალაქში უნალექო ამინდია ნავარაუდევი, დღისით 7 გრადუსი, ხოლო ღამით -4 გრადუსი იქნება.

ვაჟა ბერიძე -  „ნაციონალებს“ და მის მოკავშირეებს ელექტორატის ნახევარზე მეტი არ უჭერს მხარს, ხოლო 50%,  ვისაც არჩევანი გაკეთებული არ აქვს, „ოცნების“, დასავლელი პარტნიორებისა და საზოგადოების მთავარი პრობლემაა
ქართული პრესის მიმოხილვა 14.08.2020
აგვისტოს ომიდან 12 წლის შემდეგაც საქართველო დგას რუსული აგრესიის წინაშე
ირმა ინაშვილი საქართველოსა და აშშ-ის ხელისუფლებას მოუწოდებს, IRI-სა და NDI-ს საქართველოში კვლევების ჩატარება და გამოქვეყნება აეკრძალოთ
„თიბისის" პერსონალური საბანკო მომსახურება ტრანსფორმაციის ეტაპზე გადავიდა
Wolt და Mastercard ბათუმში გელიან!