ვლადიმერ პუტინი - რუსეთი მეორე მსოფლიო ომთან დაკავშირებით უდიდეს არქივს შექმნის და მსოფლიოს სიმართლეს დაუმტკიცებს

საბჭოთა გამარჯვება მეორე მსოფლიო ომში რუსეთს დღესაც შთააგონებს, - ამის შესახებ რუსეთის პრეზიდენტმა ვლადიმერ პუტინმა მოსკოვში, „გალერია მანეჟში“ გამართულ წლიური მიმართვის დროს განაცხადა.

მისი თქმით, რუსეთი აპირებს, რომ შექმნას ომთან დაკავშირებული დოკუმენტაციის მსოფლიოს უდიდესი არქივი და მსოფლიოს „სიმართლე“ დაუმტკიცოს, რადგან „ომთან დაკავშირებით დეზინფორმაცია ვრცელდება“.

„ჩვენი მოვალეობაა დავიცვათ ჩვენი გმირების ხსოვნა“, - განაცხადა პუტინმა. მისი თქმით, დასავლეთის ქვეყნები უგულვებელყოფენ იმ მსხვერპლს, რომელიც საბჭოთა კავშირმა მეორე მსოფლიო ომის დროს გაიღო.

ცნობისთვის, ბოლო დროს, რუსეთის პრეზიდენტმა დასავლეთის ქვეყნები თავიანთი პოზიციის გამო არაერთხელ გააკრიტიკა. ვლადიმერ პუტინმა, ევროკავშირის მიერ მიღებულ რეზოლუციას „სამარცხვინო ტყუილი“ უწოდა. რეზოლუციის თანახმად, 1939 წელს გაფორმებულმა „რიბენტროპ-მოლოტოვის პაქტმა“ მეორე მსოფლიო ომს საფუძველი დაუდო. ცოტა ხნის შემდეგ კი პუტინმა პოლონეთი ნაცისტურ გერმანიასთან თანამშრომლობაში დაადანაშაულა და განაცხადა, რომ პოლონეთის ელჩი გერმანიაში იყო „ნაბიჭვარი, ანტისემიტი, ღორი“.

კახა გოგოლაშვილი - ევროკავშირის მედიაცია გახდა ინსტრუმენტი, რომელიც არ არის ერთჯერადი, სანამ კრიზისი არ მოგვარდება, ევროკავშირი ამ პროცესში ჩართული იქნება
ქართული პრესის მიმოხილვა 01.03.2021
ქართული კონსტიტუციის 100 წლისთავთან დაკავშირებით კავკასიის საერთაშორისო უნივერსიტეტი სამეცნიერო კრებულს ამზადებს
ევროპის გუნდი: ლიბერთი ბანკისთვის უზრუნველყოფილი დამატებითი დახმარებით, COVID-19-ის კრიზისის დასაძლევად  ევროპის საინვესტიციო ბანკის მიერ მიკრო, მცირე და საშუალო საწარმოების მხარდაჭერა ახალ ეტაპზე გადადის
"მაგნიტის" ყოველდღიური 20%-იანი აქცია უფრო მრავალფეროვანი ხდება
სამომხმარებლო სესხი 3-თვიანი სრული საშეღავათო პერიოდით - ტერაბანკის ახალი აქცია
ბაკურიანში საერთაშორისო სათხილამურო ფედერაციის ეგიდით მსოფლიო თასის ეტაპი სკი კროსში დასრულდა