რომან გოცირიძე Human Rights Watch-ის ანგარიშზე - მას შეიძლება ვუწოდოთ შავი გვირგვინი „ქართული ოცნების" სასაფლაოზე

ეს მოხსენება შეიძლება ჩაითვალოს, რომ არის არჩევნებამდე ბოლო მოხსენება და შეიძლება ვუწოდოთ მას შავი გვირგვინი "ქართული ოცნების" სასაფლაოზე, - ამის შესახებ ფრაქცია "ნაციონალური მოძრაობის" თავმჯდომარემ რომან გოცირიძემ ჟურნალისტებს Human Rights Watch-ის ანგარიშთან დაკავშირებით განუცხადა.

მისივე თქმით, ასეთი მოხსენებით არა მხოლოდ ხელისუფლების იმიჯი, არამედ მთლიანად, ქვეყანა ზიანდება.

"დემოკრატიისა და ადამიანის უფლებების დაცვის კუთხით "ქართული ოცნების" საქმიანობა დამარხულია. ყველა ის პრობლემა რაც არის ქვეყანაში: სამართალდამცავი სტრუქტურების გამოყენება პოლიტიკური მიზნით, უკანონობა, ძალადობა, პოლიტიკური დევნა, მათ შორის, ნიკა მელიასთან დაკავშირებული საქმეები და იქ ნახსენებია, თუ როგორ უკანონოდ არის შინაპატიმრობა მისთვის მისჯილი და სამაჯურიც კი არის ნახსენები, ასევე არაერთი სხვა მოვლენა, რაც საქართველოშიც იქნა არაერთხელ გაკრიტიკებული. ხელისუფლების იმიჯი ამ მოხსენებით უკიდურესად დაზიანდა, რაც სამწუხაროდ, გავლენას ახდენს ასევე საინვესტიციო კლიმატზე, ეკონომიკაზე და ზოგადად ქვეყანაზე საერთაშორისო წარმოდგენის კუთხით, ეს არ არის მხოლოდ "ქართული ოცნების" დამაზიანებელი, ეს აზიანებს ქვეყანას და რაც უფრო მალე წავა „ქართული ოცნება“ და რაც არ იქნება მსგავსი დასკვნები, მით მეტად განვითარდება ქვეყანა", - განაცხადა რომან გოცირიძემ.

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
აკადემიკოსი გიორგი ჯაფარიძე - ქვეყანა რომ წარმოდგენილი იყოს მსოფლიოს სამეცნიერო რუკაზე, აუცილებელია მასში მცხოვრები მეცნიერები თავისი საქმიანობით მონაწილეობდნენ საერთაშორისო სამეცნიერო პროცესში
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს